ஈரானின் மதத் தலைவர் மற்றும் ஆட்சியாளராக இருந்த ஆயத்துல்லா அலி கமேனி மறைவுக்கு இந்தியா இரங்கல் தெரிவித்துள்ளது.
டில்லியில் உள்ள ஈரான் தூதரகத்தில் இரங்கல் பதிவேடு வைக்கப்பட்டுள்ளது. இந்திய அரசு சார்பில் மத்திய வெளியுறவு செயலர் விக்ரம் மிஸ்ரி அங்கு சென்று பதிவேட்டில் கையெழுத்திட்டார்.
இஸ்ரேல் மற்றும் அமெரிக்கப் படைகள் ஈரான் மீது கடுமையான தாக்குதல் நடத்தி வருவதாகவும், இதில் கமேனி மற்றும் அவரது குடும்பத்தினர் கடந்த பிப். 28-ல் கொல்லப்பட்டதாகவும் செய்தியில் குறிப்பிடப்பட்டுள்ளது.
இதற்கு பழிவாங்குவோம் என ஈரான் தெரிவித்துள்ளதாகவும் கூறப்பட்டுள்ளது. கமேனி மறைவு குறித்து இந்தியா இதற்கு முன் வெளிப்படையான கருத்து தெரிவிக்காத நிலையில், இன்று தூதரகத்திற்கு வெளியுறவு செயலர் சென்றது குறிப்பிடத்தக்கதாகும்.
