ஹார்முஸ் ஜலசந்தியில் கடல் கண்ணிவெடிகள் பதிக்கும் நடவடிக்கையில் ஈடுபட்டதாக கூறப்படும் 16 ஈரான் படகுகளை தாக்கி அழித்ததாக அமெரிக்க படை மத்திய தலைமையகம் தெரிவித்துள்ளது.
ஈரானை மையமாகக் கொண்ட போர் தொடரும் நிலையில், ஹார்முஸ் வழியாக நடைபெறும் கச்சா எண்ணெய் போக்குவரத்து பாதிக்கப்பட்டுள்ளதாகவும் கூறப்படுகிறது. இதன் தாக்கமாக கச்சா எண்ணெய் விலை உயர்ந்ததுடன், காஸ் சிலிண்டர் தட்டுப்பாடு ஏற்படும் சூழலும் உருவாகியுள்ளதாக செய்தி குறிப்பிடுகிறது.
இந்த நடவடிக்கையை உறுதிப்படுத்தும் வகையில், அமெரிக்க மத்திய தலைமையகம் ஒரு வீடியோவை வெளியிட்டுள்ளது. அதில் கண்ணிவெடி பதிக்கும் படகுகள் மீது தாக்குதல் நடத்தி அழிக்கும் காட்சிகள் இடம்பெற்றுள்ளதாக தெரிவிக்கப்பட்டது. உலகின் சுமார் 20% எண்ணெய் வர்த்தகம் நடைபெறும் முக்கிய கப்பல் பாதை இது எனவும் அமெரிக்கா குறிப்பிட்டுள்ளது.
இதற்கிடையில், அதிபர் டிரம்ப் ஈரானுக்கு எச்சரிக்கை விடுத்துள்ளார். ஜலசந்தியில் கண்ணிவெடிகள் அமைக்கப்பட்டிருந்தால் அவற்றை உடனடியாக அகற்ற வேண்டும் என்றும், அகற்றாவிட்டால் கடுமையான ராணுவ பதிலடி வழங்கப்படும் என்றும் அவர் கூறினார். மேலும், கண்ணிவெடி பதிக்க முயலும் எந்த படகு அல்லது கப்பலையும் நிரந்தரமாக அழிக்க, போதைப்பொருள் கடத்தல்காரர்களுக்கு எதிராக பயன்படுத்தப்படும் தொழில்நுட்பம் மற்றும் ஏவுகணை திறன்களை பயன்படுத்துவதாகவும் தெரிவித்தார்.
