கரூரில் நடந்த பிரசார கூட்ட நெரிசல் சம்பவம் தொடர்பான வழக்கில், தவெக தலைவர் நடிகர் விஜய் மார்ச் 15 அன்று டில்லியில் உள்ள சிபிஐ அலுவலகத்தில் 3வது முறையாக விசாரணைக்கு ஆஜரானார். அந்த நெரிசல் சம்பவத்தில் 41 பேர் உயிரிழந்ததாக தெரிவிக்கப்பட்டுள்ளது.
விஜய் சென்னையிலிருந்து டில்லிக்கு தனி விமானம் மூலம் வந்ததாகவும், அவருடன் ஆதவ் அர்ஜுனா, நிர்மல்குமார், ஜெகதீஷ் உள்ளிட்ட ஏழு நிர்வாகிகள் வந்ததாகவும் கூறப்படுகிறது.
காலை 10.20 மணியளவில் சிபிஐ அலுவலகம் சென்ற விஜய்யிடம், அதிகாரிகள் முன்கூட்டியே தயாரித்த கேள்விகளை முன்வைத்தனர். கரூரில் விசாரிக்கப்பட்ட நபர்களிடமிருந்து பெறப்பட்ட வீடியோ வாக்குமூலம் மற்றும் கைப்பற்றப்பட்ட வீடியோ ஆதாரங்களை அடிப்படையாகக் கொண்டு கேள்விகள் எழுப்பப்பட்டதாக தகவல்.
முந்தைய விசாரணை போன்று, விஜயின் கார் அலுவலக போர்டிகோ வரை அனுமதிக்கப்பட்டது. அந்த பகுதியில் செய்தியாளர்கள் புகைப்படம் எடுக்க அனுமதி இல்லை எனவும் தெரிவிக்கப்பட்டுள்ளது.
இந்த வழக்கில் ஏற்கனவே இரண்டு நாட்கள் டில்லியில் விஜயிடம் சிபிஐ விசாரணை நடத்திய நிலையில், இன்று மூன்றாவது முறையாக விசாரணை நடைபெறுகிறது. இது நாளையும் தொடர வாய்ப்புள்ளதாக வட்டாரங்கள் கூறுகின்றன; தொடர்ந்தால் விஜய் டில்லி ஹோட்டலில் தங்க வேண்டியிருக்கும் எனவும் தெரிவிக்கப்பட்டுள்ளது.
