சென்னையில் மார்ச் 17-ம் தேதி 22 காரட் ஆபரண தங்கத்தின் விலை மேலும் குறைந்தது. சவரனுக்கு ரூ.480 சரிந்து ரூ.1,17,200-க்கு விற்பனை செய்யப்படுகிறது. கிராமுக்கு ரூ.60 குறைந்து ரூ.14,650 ஆக உள்ளது.
சர்வதேச முதலீட்டாளர்கள் தங்க முதலீட்டை குறைத்ததன் தாக்கமாக இந்தியாவில் தங்க விலை தாழ்வடைந்து வருவதாக தெரிவிக்கப்படுகிறது. தமிழகத்தில் கடந்த சனிக்கிழமை 22 காரட் தங்கம் கிராமுக்கு ரூ.14,760-க்கும், சவரனுக்கு ரூ.1,18,080-க்கும் விற்பனையானது.
மார்ச் 16-ம் தேதி தங்கம் கிராமுக்கு ரூ.50 குறைந்து ரூ.14,710-க்கும், சவரனுக்கு ரூ.400 குறைந்து ரூ.1,17,680-க்கும் விற்பனையானது. இதனால் கடந்த இரண்டு நாட்களில் சவரன் விலை மொத்தம் ரூ.880 குறைந்துள்ளது.
வெள்ளி விலை மார்ச் 17-ம் தேதி உயர்வைக் கண்டது. மார்ச் 16-ல் கிராமுக்கு ரூ.276 ஆக குறைந்திருந்த வெள்ளி, இன்று ரூ.4 உயர்ந்து கிராமுக்கு ரூ.280 ஆகவும், கிலோவுக்கு ரூ.4,000 உயர்ந்து ரூ.2.80 லட்சமாகவும் விற்பனை செய்யப்படுகிறது.
