அதிமுக பொதுச்செயலாளர் எடப்பாடி கே. பழனிசாமி (இபிஎஸ்), டில்லி விமான நிலையத்தில் செய்தியாளர்கள் எழுப்பிய கேள்விகளுக்கு, தனது டில்லி பயணத்தின் காரணத்தை “நாளை சொல்கிறேன்” என்று பதிலளித்தார்.
தமிழக சட்டசபை தேர்தல் ஏப்ரல் 23-ஆம் தேதி நடைபெற உள்ள நிலையில், கட்சிகள் தொகுதி பங்கீடு மற்றும் வேட்பாளர் தேர்வு பணிகளில் தீவிரமாக ஈடுபட்டு வருகின்றன. திமுக தலைமையிலான கூட்டணியில் தொகுதி ஒதுக்கீடு பெரும்பாலும் முடிவடைந்ததாக கூறப்படும் நிலையில், அதிமுக கூட்டணியில் பாஜ, பாமக, அமமுக, தமாகா உள்ளிட்ட கட்சிகளுக்கான தொகுதி பங்கீடு இன்னும் இறுதியாகவில்லை.
இந்த பரபரப்பான சூழலில் மார்ச் 19 காலை இபிஎஸ் டில்லி புறப்பட்டார். தேர்தல் நேரத்தில் ஏன் இந்தப் பயணம், யாரை சந்திக்கப் போகிறீர்கள் என செய்தியாளர்கள் கேட்டபோது, அவர் நாளை விளக்குவதாக மீண்டும் கூறினார்.
மேலும், மத்திய உள்துறை அமைச்சர் அமித் ஷாவை சந்திக்க நேரம் கேட்டுள்ளதாகவும் அவர் தெரிவித்தார். டில்லி வட்டாரத் தகவலின்படி, பாஜவுக்கான தொகுதிகளை இறுதி செய்வதற்காக புதன்கிழமை இரவு அமித் ஷா மற்றும் பாஜ தலைவர் நிதின் நபின் உள்ளிட்டவர்களை சந்திக்கும் ஏற்பாடுகள் செய்யப்பட்டுள்ளதாக கூறப்படுகிறது.
