மேற்காசிய போர் நிலவரம் குறித்து விவாதிக்க, பிரதமர் நரேந்திர மோடி தலைமையில் நாளை (மார்ச் 25) டில்லியில் அனைத்துக் கட்சி கூட்டம் நடைபெற உள்ளது. பார்லிமென்ட் வளாகத்தில் மாலை 5 மணிக்கு நடைபெறும் இந்த கூட்டத்தில் அனைத்து அரசியல் கட்சிகளுக்கும் அழைப்பு விடுக்கப்பட்டுள்ளது.
செய்தி அறிக்கையின்படி, பிப். 28 முதல் அமெரிக்காவும் இஸ்ரேலும் இணைந்து ஈரான் மீது தாக்குதல் நடத்தி வருகின்றன; இதற்கு ஈரானும் பதிலடி கொடுத்து வருவதால், மேற்காசிய பிராந்தியத்தில் போர் பதற்றம் அதிகரித்துள்ளது.
மேலும், ஈரான் ஹார்முஸ் ஜலசந்தியை மூடியதால் இந்தியா உட்பட உலகம் முழுவதும் எரிவாயு மற்றும் கச்சா எண்ணெய் தட்டுப்பாடு ஏற்பட்டுள்ளதாக குறிப்பிடப்பட்டுள்ளது. இந்த விவகாரம் தொடர்பாக நேற்று லோக்சபாவில் பிரதமர் மோடி பேசியிருந்தார்.
போர் தாக்கங்களில் இருந்து மக்களை பாதுகாக்க இதுவரை மேற்கொள்ளப்பட்ட நடவடிக்கைகள் குறித்து கூட்டத்தில் மத்திய அமைச்சர்கள் விளக்கம் அளிப்பார்கள் என வட்டாரங்கள் தெரிவித்துள்ளன.
