பல கட்ட பேச்சுவார்த்தைகளுக்குப் பிறகு திமுக மற்றும் விடுதலை சிறுத்தைகள் கட்சி (விசிக) இடையே சட்டசபை தேர்தலுக்கான தொகுதி பங்கீடு ஒப்பந்தம் கையெழுத்தானது.
இந்த ஒப்பந்தத்தின் படி, 2 பொதுத்தொகுதிகள் உட்பட விசிகவுக்கு மொத்தம் 8 தொகுதிகள் ஒதுக்கப்பட்டுள்ளன. இது 2021 சட்டசபை தேர்தலுடன் ஒப்பிடுகையில் 2 தொகுதிகள் அதிகம்.
2021 தேர்தலில் விசிகவுக்கு 4 தனித் தொகுதிகள் மற்றும் 2 பொதுத்தொகுதிகள் என 6 தொகுதிகள் வழங்கப்பட்டிருந்தன. இந்த முறை 6 தனித் தொகுதிகள் மற்றும் 2 பொதுத்தொகுதிகள் என ஒதுக்கீடு செய்யப்பட்டுள்ளது.
திமுக தலைமையிலான கூட்டணியில் புதிய கட்சிகள் இணைந்ததால் தொகுதி பங்கீட்டில் நீண்ட இழுபறி நீடித்ததாக தெரிவிக்கப்பட்டது. கூட்டணி ஒதுக்கீட்டில் காங்கிரஸுக்கு 28 தொகுதிகள் மற்றும் ஒரு ராஜ்யசபா இடமும் வழங்கப்பட்டுள்ளன; மற்ற கூட்டணி கட்சிகளுக்கும் தங்களுக்கான பங்குகள் அறிவிக்கப்பட்டுள்ளன.
2021 ஒதுக்கீட்டுடன் ஒப்பிடுகையில் காங்கிரஸுக்கு 3 தொகுதிகள் அதிகரித்துள்ள நிலையில், முஸ்லிம் லீக், மதிமுக, கொமதேக, இந்திய கம்யூனிஸ்ட் மற்றும் மார்க்சிஸ்ட் உள்ளிட்ட சில கட்சிகளுக்கு தொகுதிகள் குறைந்துள்ளன. விசிகவுக்கு மட்டும் 2 தொகுதிகள் உயர்ந்துள்ளன.
