டி.ஜி.பி. அலுவலகத்தில் புகார்
பெண்கள் குறித்து இழிவான கருத்துகள் தெரிவித்ததாகக் கூறி, அரசியல் விமர்சகர் பொன்ராஜ் மீது சட்டப்படி நடவடிக்கை எடுக்க வேண்டும் என த.வெ.க. தலைவர் விஜய், புதன்கிழமை இரவு சென்னை டி.ஜி.பி. அலுவலகத்தில் புகார் மனு அளித்தார்.
பேட்டியில் கூறிய கருத்துகள் குறித்து குற்றச்சாட்டு
முன்னாள் குடியரசுத் தலைவர் அப்துல் கலாமிடம் உதவியாளராக இருந்த பொன்ராஜ், ஒரு பேட்டியில் த.வெ.க.வைச் சேர்ந்த பெண்களை இழிவுபடுத்தும் வகையில் கருத்து தெரிவித்ததாக புகாரில் குறிப்பிடப்பட்டுள்ளது.
கடும் நடவடிக்கை கோரிக்கை
சட்டம்-ஒழுங்கு கூடுதல் டி.ஜி.பி.யிடம் அளித்த மனுவில், தமிழகப் பெண்களை குறிவைத்து ஆபாச வார்த்தைகளுடன் தரம் தாழ்ந்து விமர்சித்ததாகவும், இதற்கு கடுமையான சட்ட நடவடிக்கை எடுக்க வேண்டும் என்றும் விஜய் வலியுறுத்தியுள்ளார்.
கட்சி நிர்வாகியின் வலியுறுத்தல்
விஜயுடன் சென்ற த.வெ.க. கொங்கு மண்டல அமைப்பு செயலர் செங்கோட்டையன், பொன்ராஜ் மிகக் கீழ்த்தரமாக பேசியதுடன் மன்னிப்பும் கேட்க முடியாது என கூறியதாக தெரிவித்தார். அவர் மீது கடும் நடவடிக்கை எடுக்க வேண்டும் என்றும் வலியுறுத்தினார்.
