வாஷிங்டன்: அமெரிக்க அதிபர் டொனால்ட் டிரம்புக்கும் இந்திய பிரதமர் நரேந்திர மோடிக்கும் இடையே “மிகச் சிறந்த உறவு” இருப்பதாக வெள்ளை மாளிகை தெரிவித்துள்ளது. இதை பத்திரிகை செயலாளர் கரோலின் லீவிட் கூறியதாக தகவல் வெளியாகியுள்ளது.
மேற்காசியப் பகுதியில் போர் பதற்றம் அதிகரித்துள்ள நிலையில் இந்த கருத்து வெளியாகியுள்ளது. கடந்த ஒரு மாதமாக ஈரான் மீது இஸ்ரேலுடன் இணைந்து அமெரிக்கா தாக்குதல் நடத்தி வருவதாகவும், தரைவழி தாக்குதல் நடக்கலாம் என்ற தகவலால் பதற்றம் மேலும் உயர்ந்துள்ளதாகவும் கூறப்படுகிறது.
இந்த சூழலில், போர் தொடர்பான நிலவரம் குறித்து டிரம்ப் மற்றும் மோடி சமீபத்தில் தொலைபேசியில் பேசினர். இதற்கு முன் இந்தியத் தூதரகம் வெளியிட்ட தகவலில், இந்தியாவுடன் உள்ள “அற்புதமான உறவு” வரும் காலங்களில் மேலும் வலுப்படும் என டிரம்ப் கூறியதாக குறிப்பிடப்பட்டிருந்தது.
ஏஎன்ஐ-க்கு அளித்த பேட்டியில் லீவிட், இரு தலைவர்களும் தொலைபேசியில் தொடர்பு கொண்டு பேசியதாகவும், அது “பயனுள்ள உரையாடலாக” அமைந்ததாகவும் தெரிவித்தார்.
