தமிழகத்தில் திமுகவின் “குடும்ப அரசியலுக்கு” முற்றுப்புள்ளி வைக்கப்படும் என்று மத்திய அமைச்சர் பியூஷ் கோயல் தெரிவித்தார்.
பாஜக நிறுவன தினத்தை முன்னிட்டு சென்னை கமலாலயத்தில் கட்சி கொடியை ஏற்றிய பின்னர் செய்தியாளர்களிடம் பேசிய அவர், திமுக என்றாலே வாரிசு அரசியல் என்றார். திமுகவில் தொண்டர்களுக்கு உரிய வாய்ப்புகள் கிடைப்பதில்லை என்றும் அவர் குற்றம்சாட்டினார்.
மேலும், திமுக ஆட்சி குடும்ப ஆட்சியாகவும் ஊழல் நிறைந்ததாகவும் இருந்ததாகவும் அவர் கூறினார்.
இபிஎஸ் (எடப்பாடி கே. பழனிசாமி) தலைமையிலான தேசிய ஜனநாயகக் கூட்டணி மாநிலத்தில் மாபெரும் வெற்றி பெறும் என்றும், இது மாற்றத்திற்கும் நல்லாட்சிக்குமான நேரம் என்றும் அவர் தெரிவித்தார். மயிலாப்பூர் மக்கள் ஜெயலலிதாவின் நல்லாட்சியை விரும்புகிறார்கள் என்றும், மயிலாப்பூரில் தமிழிசைக்கு மக்கள் வாக்களிப்பார்கள் என்று நம்புவதாகவும் அவர் கூறினார்.
