‘ஜனநாயகன்’ திரைப்படம் இணையத்தில் சட்டவிரோதமாக வெளியான விவகாரத்தில் மத்திய உள்துறை அமைச்சர் அமித் ஷாவுக்கு பங்கு இருப்பதாக காங். எம்.பி. மாணிக்கம் தாகூர் குற்றம்சாட்டினார். சாத்தூரில் பேசிய போது அவர் இதை தெரிவித்தார்.
இணையத்தில் அனுமதியின்றி படம் வெளியானது இந்திய திரைத்துறையையே ஆட்டிவைக்கும் அளவிலான செயல் என அவர் கூறினார். த.வெ.க. தலைவர் விஜயின் செயல்பாடுகளை நிலைகுலையச் செய்யவும், மிரட்டல் விடுக்கவும் இந்த நடவடிக்கை மேற்கொள்ளப்பட்டதாகவும் அவர் தெரிவித்தார்.
மேலும், ஒட்டுமொத்த சினிமா துறையையும் தனது கட்டுப்பாட்டில் வைத்திருக்க அமித் ஷா முயல்கிறார் என்றும், பா.ஜ.பி. சித்தாந்தத்திற்கு எதிராக யாரும் படம் எடுக்கக் கூடாது என்பதற்காகவே இத்தகைய செயல் நடந்ததாகவும் அவர் கூறினார்.
‘ஜனநாயகன்’ படத்தை 50 லட்சம் பேர் பார்த்துள்ளதாகவும், தமிழக அரசியலில் குழப்பத்தை உருவாக்குவதே பா.ஜ.பி.யின் நோக்கம் எனவும் மாணிக்கம் தாகூர் குற்றம்சாட்டினார்.
