சென்னையில் தேர்தல் பறக்கும் படை அதிகாரிகள் நடத்திய சோதனையில், உரிய ஆவணங்கள் இல்லாததாகக் கூறி ரூ.245 கோடி மதிப்பிலான தங்கம் மற்றும் வைர நகைகள் பறிமுதல் செய்யப்பட்டன.
தமிழக சட்டசபை பொதுத் தேர்தல் ஏப். 23-ஆம் தேதி நடைபெற உள்ள நிலையில், தேர்தல் நடத்தை விதிகள் அமலில் உள்ளன. வாக்காளர்களுக்கு பணம் அல்லது மதிப்புமிக்க பொருட்கள் வழங்கப்படுவதைத் தடுக்க மாவட்டம் முழுவதும் சோதனைகள் தீவிரப்படுத்தப்பட்டுள்ளன.
அந்தச் சூழலில், சென்னை அடையாறில் நடைபெற்ற பறக்கும் படை சோதனையில் ஆவணங்கள் எதுவும் காண்பிக்கப்படாததால் நகைகள் பறிமுதல் செய்யப்பட்டதாக தெரிவிக்கப்பட்டது.
பறிமுதல் செய்யப்பட்ட நகைகள் வருமானவரி அலுவலகத்தில் ஒப்படைக்கப்பட்டன. இதுதொடர்பாக சென்னை சாஸ்திரி நகர் போலீசார் விசாரணை மேற்கொண்டு வருகின்றனர்.
