புதுடில்லி: ராஜ்யசபா துணைத் தலைவராக ஹரிவன்ஷ் தொடர்ந்து மூன்றாவது முறையாக மீண்டும் தேர்ந்தெடுக்கப்பட்டார். இதையடுத்து பிரதமர் நரேந்திர மோடி சபையில் அவருக்கு வாழ்த்து தெரிவித்தார்.
எதிர்க்கட்சிகள் எந்த வேட்பாளரையும் நிறுத்தாததால், ஹரிவன்ஷ் போட்டியின்றி தேர்வானார். இதன் மூலம் அவர் இந்தப் பதவிக்கு தொடர்ச்சியாக மூன்றாவது முறையாக வந்துள்ளார்.
ராஜ்யசபாவில் பேசிய மோடி, மீண்டும் மீண்டும் கிடைத்த இந்தத் தேர்வு சபை ஹரிவன்ஷ் மீது வைத்துள்ள நம்பிக்கையையும், அனைவரையும் ஒன்றிணைத்து முன்னேற்றும் அவரது முயற்சிகளையும் காட்டுவதாக கூறினார். இது அவரது அனுபவத்திற்குக் கிடைத்த மரியாதை என்றும் அவர் குறிப்பிட்டார்.
மேலும், ஹரிவன்ஷின் பதவிக்காலத்தில் சபையின் அதிகாரம் வலுப்பெற்றதாகவும், அவரது தலைமையில் அவையின் செயல்பாடு மேலும் உறுதியடைந்து செயல்திறன் மிக்கதாக மாறியிருப்பதாகவும் பிரதமர் தெரிவித்தார்.
ஹரிவன்ஷ் நாராயண் சிங் 2022 ஆகஸ்ட் 11 முதல் ராஜ்யசபா துணைத் தலைவராக பணியாற்றி வருகிறார். ஐக்கிய ஜனதா தளம் (ஜே.டி.யு) கட்சியைச் சேர்ந்த அவர், பீஹார் மாநிலத்தை ராஜ்யசபாவில் பிரதிநிதித்துவப்படுத்துகிறார்.
