ராணிப்பேட்டை மாவட்டம் சோளிங்கரில் நடைபெற்ற பிரசார கூட்டத்தில் ராகுல் காந்தி பேசிய உரையை, தமிழக காங்கிரஸ் தலைவர் செல்வப்பெருந்தகை தவறாக மொழிபெயர்த்ததாக வெளியான தகவலால், கட்சி தொண்டர்கள் குழப்பமடைந்ததாக கூறப்படுகிறது.
அந்த செய்தி விவரப்படி, பா.ஜ.க.வின் “தொலைநோக்கு சிந்தனையை வீழ்த்துவோம்” என்ற கருத்தை, “நாட்டை பிளவுபடுத்துகிறது” என்ற பொருளில் மொழிபெயர்த்ததாக தெரிவிக்கப்பட்டுள்ளது.
மேலும், பிரதமர் நரேந்திர மோடி குறித்து ராகுல் கூறியதாக குறிப்பிடப்பட்ட “நம்பிக்கை இல்லை” என்ற கருத்தை, அதற்கு மாறாக “முழு நம்பிக்கையுடன் இருந்தார்” என மொழிபெயர்த்ததாகவும் கூறப்படுகிறது.
அமெரிக்காவின் தாக்கம், இந்தியா–அமெரிக்கா ஒப்பந்தங்கள், எரிசக்தி பாதுகாப்பு, சிறு-குறு தொழில்கள் உள்ளிட்ட விஷயங்களில் ராகுல் பேசியதாக கூறப்பட்ட பகுதிகளும் தொடர்பில்லாத வரிகளாக மாற்றப்பட்டதாக அந்த செய்தி குறிப்பிடுகிறது. “தமிழர்களின் ஆன்மா” என்ற தொடக்கத்தையும் தவறாக மாற்றி மொழிபெயர்த்ததாக கூறப்பட்ட நிலையில், மொத்தமாக உரை முழுவதும் சரியாக வராததால் தொண்டர்கள் குழப்பமடைந்ததாக தெரிவிக்கப்பட்டுள்ளது.
