திருப்புத்தூரில் செவ்வாய்க்கிழமை நடந்த தேர்தல் பிரசாரத்தில் பா.ஜ. முன்னாள் தேசிய செயலர் எச்.ராஜா தி.மு.க. அரசை கடுமையாக தாக்கி, அந்த ஆட்சி மாற்றப்பட வேண்டும் எனக் கூறினார்.
கூட்டணி கட்சி வேட்பாளரை ஆதரித்து பேசிய அவர், பா.ஜ., அ.தி.மு.க., அ.ம.மு.க., பா.ம.க. உள்ளிட்ட கட்சிகள் “நாட்டு நலனுக்காக” ஒன்றிணைந்துள்ளதாக தெரிவித்தார். முன்னாள் அமைச்சர் செந்தில் பாலாஜி குறித்து தி.மு.க. தலைவர் மு.க. ஸ்டாலின் முன்பு பேசியதாக கூறப்படும் கருத்துகளை சுட்டிக்காட்டி, பின்னர் அவர் அமைச்சரவையில் தொடர்ந்தது குறித்து கேள்வி எழுப்பினார்.
மேலும் சட்டசபையில் முன்னாள் சபாநாயகர் காளிமுத்து காலத்தில் அமைச்சர் சேகர்பாபு கருணாநிதி குடும்பத்தை குறித்து தவறான வார்த்தைகளை பயன்படுத்தியதாக அவர் குற்றம்சாட்டினார். தங்கள் தரப்பு அப்படிப் பேசாது என்றும், இத்தகையவர்களை அமைச்சரவையில் வைத்திருப்பதாக தி.மு.க.வை விமர்சித்தார்.
வாக்காளர்களிடம் பணம் கொடுத்தால் வாங்குங்கள் என சிலர் கூறுவதாக குறிப்பிட்ட அவர், அது தவறு என்றும், காசுக்காக வாக்கை விற்காமல் நேர்மையை நிரூபிக்க வேண்டும் என்றும் கேட்டுக்கொண்டார். கூட்டணியில் கூட்டாளிகளுக்கு இடம் வழங்கியதாக கூறிய அவர், தென்னிந்திய பார்வர்ட் பிளாக் தலைவர் திருமாறனை பா.ஜ. வேட்பாளராக நிறுத்தியுள்ளதாகவும் தெரிவித்தார்.
