மேற்கு வங்க மாநிலத்தின் நாடியா மாவட்டத்தில் தேர்தல் பிரசாரத்தில் ஈடுபட்ட உள்துறை அமைச்சர் அமித் ஷா, பாஜ ஆட்சி அமைந்தால் பெண்களுக்கு மாதந்தோறும் ரூ.3,000 வழங்கப்படும் என வாக்குறுதி அளித்தார்.
ரானாகாட் பகுதியில் நடந்த பொதுக்கூட்டத்தில் பேசிய அவர், மே 4-ம் தேதி பாஜ அரசு அமைக்கும் என கூறினார். அதன் பின்னர் மாநிலத்தில் உள்ள “ஒவ்வொரு சகோதரியும், தாய்மாரும்” கொண்ட வங்கி கணக்கில் மாதம் ரூ.3,000 வரவு வைக்கப்படும் என தெரிவித்தார்.
வேலை இல்லா இளைஞர்களின் வங்கி கணக்கிலும் மாதந்தோறும் ரூ.3,000 அனுப்பப்படும் என்றும், பெண்கள் பஸ்களில் கட்டணம் செலுத்தாமல் இலவசமாக பயணிக்கலாம் என்றும் அவர் கூறினார்.
அதே உரையில், திரிணமுல் காங்கிரஸ் மற்றும் காங்கிரசை விமர்சித்த அமித் ஷா, கடந்த காலத்தில் பயங்கரவாதம் வளர்ந்ததாக குற்றம்சாட்டினார். உரி, புல்வாமா தாக்குதல்களுக்கு மத்திய அரசு எடுத்த நடவடிக்கைகளையும் அவர் குறிப்பிட்டார்.
மேலும், மாநிலத்தில் அமையவுள்ள “மோடி அரசு” ஊடுருவல்காரர்களை கண்டறிந்து, சட்டப்படி வெளியேற்றும் என்றும் அவர் தெரிவித்தார்.
