மே 3 அன்று தமிழகம் மற்றும் நாடு முழுவதும் கவனிக்க வேண்டிய முக்கிய நிகழ்வுகள் நடைபெறுகின்றன.
இளநிலை மருத்துவப் படிப்புகளில் சேர்க்கைக்கான நீட் தேர்வு இன்று மதியம் 2 மணிக்கு தொடங்கி மாலை 5.20 மணி வரை நடைபெறுகிறது. தேர்வர்கள் காலை 11 மணி முதல் மதியம் 1.30 மணி வரை தேர்வு மையத்திற்குள் அனுமதிக்கப்படுவர்; நாடு முழுவதும் சுமார் 22.79 லட்சம் பேர் தேர்வு எழுத உள்ளனர்.
தமிழகத்தில் பொறியியல் படிப்புகளுக்கான சேர்க்கை தொடர்பான விண்ணப்பப் பதிவு இன்று தொடங்கியுள்ளது. www.tneaonline.org இணையதளம் மூலம் ஜூன் 2 வரை விண்ணப்பிக்கலாம்.
லீக் கிரிக்கெட்டில் இன்று இரண்டு போட்டிகள் நடைபெறுகின்றன. ஹைதராபாத் ராஜீவ்காந்தி மைதானத்தில் பிற்பகல் 3.30 மணிக்கு ஹைதராபாத்–கொல்கத்தா அணிகள் மோதுகின்றன.
இரண்டாவது போட்டி அகமதாபாத் நரேந்திர மோடி மைதானத்தில் இரவு 7.30 மணிக்கு நடைபெறுகிறது; இதில் குஜராத்–பஞ்சாப் அணிகள் பலப்பரீட்சை நடத்துகின்றன.
