5 மாநிலங்களில் நடைபெற்ற சட்டசபை தேர்தல் முடிவுகள் பெரும் அரசியல் அதிர்ச்சியை ஏற்படுத்தியுள்ளன. மேற்கு வங்கம், தமிழகம், கேரளாவில் மாற்றத்துக்கான வாக்கு வெளிப்பட்டதாக கூறப்படும் நிலையில், இரண்டு சிட்டிங் முதல்வர்கள் உட்பட சுமார் 50 அமைச்சர்கள் தோல்வியடைந்ததாக தகவல் வெளியாகியுள்ளது.
மேற்கு வங்கத்தில் மம்தா பானர்ஜி தலைமையிலான திரிணமுல் அரசுக்கு கடும் பின்னடைவு ஏற்பட்டதாக கூறப்படுகிறது. ஆளும் திரிணமுல் காங்கிரஸைச் சேர்ந்த 22 அமைச்சர்கள் தோல்வியடைந்த நிலையில், முதல்வர் மம்தாவும் பவானிபூரில் சுவேந்து அதிகாரியிடம் 15 ஆயிரத்திற்கும் மேற்பட்ட வாக்குகள் வித்தியாசத்தில் தோல்வியடைந்ததாக தெரிவிக்கப்பட்டுள்ளது.
மொத்தத்தில் மம்தா உட்பட 13 அமைச்சர்கள், மேலும் தனிப் பொறுப்பு வகித்த ஐந்து இணை அமைச்சர்களும் தங்கள் இடங்களைத் தக்கவைக்க முடியவில்லை. ஸ்வபன் தேப்நாத், பிரதீப் குமார் மஜும்தார், பிரத்யா பாசு, அரூப் பிஸ்வாஸ் உள்ளிட்டோர் குறிப்பிடத்தக்க தோல்வியடைந்தவர்களாக பட்டியலிடப்பட்டுள்ளனர்.
தமிழகத்திலும் வியத்தகு மாற்றம் ஏற்பட்டதாக கூறப்படுகிறது. 2011 முதல் தன் வசமிருந்த கொளத்தூர் தொகுதியை முதல்வர் மு.க. ஸ்டாலின், தவெக வேட்பாளர் பாபுவிடம் இழந்ததாக தகவல். நிதி அமைச்சர் தியாகராஜன், கல்வித் துறை அமைச்சர் மகேஷ் உள்ளிட்ட மேலும் 14 அமைச்சர்களும் தோல்வியடைந்ததாக குறிப்பிடப்பட்டுள்ளது.
கேரளாவில் முதல்வர் பினராயி விஜயன் தர்மடம் தொகுதியைத் தக்கவைத்துக் கொண்டார். ஆனால் சுகாதாரத்துறை அமைச்சர் வீணா ஜார்ஜ், கல்வித்துறை அமைச்சர் வி. சிவன்குட்டி உள்ளிட்ட 13 அமைச்சர்கள் தோல்வியடைந்ததாக கூறப்படுகிறது. மொத்தமாக, ஆளும் கட்சிகளுக்கு எதிரான மக்கள் அதிருப்தி வெளிப்பட்டுள்ளதாக இந்த முடிவுகள் சுட்டிக்காட்டுகின்றன.
மேலும், 5 மாநிலங்களில் அசாம் முதல்வர் ஹிமந்த பிஸ்வ சர்மா மற்றும் புதுச்சேரி முதல்வர் ரங்கசாமி ஆகிய இருவரே ஆட்சியைத் தக்க வைத்துக் கொண்டதாகவும் தெரிவிக்கப்பட்டுள்ளது.
