கோவை: சமீபத்தில் நடைபெற்ற சட்டசபை தேர்தலில் வெற்றி பெற்றவர்கள், தங்களுக்கு வாய்ப்பு அளித்த மக்களிடம் மிகுந்த பொறுப்புணர்வுடனும் அர்ப்பணிப்புடனும் செயல்பட வேண்டும் என்று ஈஷா அறக்கட்டளை நிறுவனர் சத்குரு தெரிவித்துள்ளார்.
தமிழகம், கேரளம், மேற்குவங்கம், அசாம் மற்றும் புதுச்சேரி ஆகிய இடங்களில் கடந்த மாதம் சட்டசபை தேர்தல் நடைபெற்றது. அதன் முடிவுகள் சமீபத்தில் வெளியான நிலையில், மேற்குவங்கம், அசாம், புதுச்சேரியில் தேசிய ஜனநாயக கூட்டணி வெற்றி பெற்றதாக தெரிவிக்கப்பட்டது.
தமிழகத்தில் த.வெ.க. 108 இடங்களை கைப்பற்றியதாகவும், கேரளத்தில் காங்கிரஸ் தலைமையிலான கூட்டணி வெற்றி பெற்றதாகவும் கூறப்பட்டுள்ளது.
இதையடுத்து வெளியிட்ட பதிவில், தேர்தல் முடிவுகள் ஜனநாயகத்தின் இயல்பான நடைமுறை என்பதை புரிந்து கொள்ள வேண்டும் என சத்குரு குறிப்பிட்டார். மேலும், இது சுயபரிசோதனை செய்து கொள்ளவும், ஆட்சி அதிகாரத்தைத் தாண்டி மக்களுக்கு சேவை செய்யும் வழிகளை கண்டறியவும் ஏற்ற நேரம் என்றும் அவர் தெரிவித்தார்.
மாநில மக்களின் கனவுகளும் லட்சியங்களும் நிறைவேற வேண்டும் என்று கூறிய அவர், அனைவருக்கும் வாழ்த்துகளை தெரிவித்தார்.
