புதுடில்லி அருண் ஜெட்லி மைதானத்தில் நடந்த லீக் போட்டியில், டில்லியை சென்னை அணி 8 விக்கெட் வித்தியாசத்தில் எளிதாக வீழ்த்தியது. டில்லி முதலில் பேட்டிங் செய்து 155/7 எடுத்தாலும், அந்த ஸ்கோர் சென்னை பேட்டிங்கை கட்டுப்படுத்த போதவில்லை.
டாஸ் வென்ற டில்லி கேப்டன் அக்சர் படேல் பேட்டிங்கை தேர்வு செய்தார். ஆனால் ஸ்பின்னர்களுக்கு சாதகமாக இருந்த ஆடுகளத்தில் ரன் வேகம் உயரவில்லை; விக்கெட்டுகளும் இடைவிடாமல் சரிந்தன. அனுபவ ராகுல் 13 பந்தில் 12 ரன் மட்டுமே எடுத்த நிலையில் வெளியேற, 10 ஓவரில் டில்லி 62/4 என தடுமாறியது. இடையில் லேசான மழை பெய்தாலும் ஆட்டத்தில் பாதிப்பு இல்லை.
பின்னர் ஸ்டப்ஸ்–சமீர் ரிஸ்வி கூட்டணி சில ஓவர்களில் ஸ்கோரை உயர்த்தியது. ஸ்டப்ஸ் 38 ரன் எடுத்தார்; ரிஸ்வி 24 பந்தில் 40 ரன் (4 சிக்சர்) எடுத்து அவுட்டாகாமல் இருந்து, டில்லியை 155/7 வரை கொண்டு சென்றார்.
இலக்கை துரத்திய சென்னை அணிக்கு கேப்டன் ருதுராஜ் 6 ரன்னில் வெளியேறி ஏமாற்றம் அளித்தார்; உர்வில் படேலும் 17 ரன்னில் அவுட்டானார். அதன்பின் சஞ்சு சாம்சன் ஆட்டத்தை கைப்பற்றி, 32 பந்தில் அரைசதம் எட்டி வேகத்தை அதிகரித்தார்.
சாம்சன் மற்றும் கார்த்திக் சர்மா இணைந்து வெற்றியை உறுதி செய்தனர். கார்த்திக் சர்மா 31 பந்தில் 41 ரன் எடுத்து அவுட்டாகாமல் இருந்தார்; சாம்சன் 52 பந்தில் 87* (7 பவுண்டரி, 6 சிக்சர்) விளாச, சென்னை 17.3 ஓவரில் 159/2 எடுத்து வெற்றி பெற்றது.
