சென்னையில் 17வது தமிழக சட்டசபையின் முதல் கூட்டம் மே 11 காலை 9.30 மணிக்கு தொடங்கியது. தற்காலிக சபாநாயகர் கருப்பையா புதிய எம்எல்ஏக்களுக்கு பதவிப்பிரமாணம் செய்து வைத்தார்.
அவையில் பேசிய அவர், வந்திருந்த அனைவரையும் வரவேற்று, துணிவு, கொடைத்தன்மை, அறிவு, முயற்சி ஆகியவை தலைவருக்குரிய இயல்புகள் என குறிப்பிட்டார்.
தொடர்ந்து, முதல்வர் விஜயை அவர் பாராட்டி, “நாடு முழுவதும் உச்சரிக்கும் மூன்று எழுத்து மந்திரம்” எனக் கூறினார். தமிழக மக்களுக்காக உழைக்கும் ஒருவராகவும், பல தடைகள் மற்றும் இடையூறுகளை தனியே எதிர்கொண்டு தகர்த்தவர் எனவும் அவர் தெரிவித்தார்.
சோழவந்தான் தொகுதி மக்களால் எம்எல்ஏவாக தேர்வு செய்யப்பட்டதற்காக நன்றி தெரிவித்த கருப்பையா, தன்னை தற்காலிக சபாநாயகராக நியமித்த முதல்வர் விஜய்க்கும், நியமித்த ஆளுநருக்கும் நன்றி கூறினார்.
இந்த உரை தினமலர் யூடியூப் உள்ளிட்ட இணைய தளங்களில் நேரலையாக ஒளிபரப்பப்பட்டது.
