விஜய் தலைமையிலான புதிய ஆட்சியில் அதிமுகவை “இலையில் வைக்கப்பட்ட எக்ஸ்ட்ரா ஸ்வீட்” போலவே பார்க்கலாம் என்று காங்கிரஸ் எம்.பி. கார்த்தி தெரிவித்தார். அதிமுக ஆதரவு அவசியமில்லை என்றும் அவர் கூறினார்.
மதுரையில் செய்தியாளர்களிடம் பேசிய கார்த்தி, விஜய் கேட்டதால் அல்ல; அதிமுகவினர் தாமாகவே வந்து ஆதரவு தெரிவிப்பதாக கூறினார். விஜய் முதலில் ஆதரவு அளித்த கட்சிகளின் துணையிலேயே 5 ஆண்டுகள் ஆட்சியை நடத்த முடியும்; அதிமுகவை அரசு அமைப்பில் சேர்க்க வேண்டிய கட்டாயம் இல்லை என்றார்.
மேலும், தேர்தலுக்கு இன்னும் யாரும் முழுமையாக தயாராக இல்லை என்றும், தமிழக வெற்றிக்கழகத்தை தவிர்த்து வைத்து யாரும் ஆட்சி அமைக்க நினைத்தாலும் அது நடக்காது என்றும் அவர் தெரிவித்தார். ஆதரவு தருகிறோம், வாபஸ் பெறுகிறோம் என்ற பேச்சுகளுக்கு விஜய் அஞ்ச வேண்டாம்; நிலையான ஆட்சியை வழங்க முடியும் என்றார்.
தேர்தலுக்குப் பிறகு வெற்றி பெற்றவர்கள் வாக்களித்த இடங்களிலும் வாக்களிக்காத இடங்களிலும் சென்று நன்றி தெரிவிப்பது இயல்பானது என்று கூறிய கார்த்தி, விஜய் பலரை சந்திப்பதை வரவேற்றார். ஆனால் நிபந்தனைகள் விதித்தால் அதிமுக ஆதரவும் தேவையில்லை; ஆட்சியில் பங்கும் கொடுக்கத் தேவையில்லை என்று மீண்டும் வலியுறுத்தினார்.
இரண்டு திராவிட கட்சிகளுக்கு மாற்றாக மக்கள் புதிய கட்சிக்கு வாக்களித்ததே “புதிய ஆட்சி” வேண்டுமென்ற விருப்பத்தை காட்டுகிறது என்றும், அந்த விருப்பம் விஜய் இரண்டு திராவிட கட்சிகளைச் சேர்ந்தவர்களை சாராமல் ஆட்சி நடத்த வேண்டும் என்பதுதான் என்றும் அவர் கூறினார்.
