புதுடில்லி: தவெக அமைச்சரவையில் காங்கிரஸ் சார்பில் இரண்டு பிரதிநிதிகள் அமைச்சர்களாக இடம் பெறுவார்கள் என்று காங்கிரஸ் எம்பி மாணிக்கம் தாகூர் அறிவித்தார்.
தனது அறிக்கையில், 2026 தேர்தலுக்கு முன்பே திமுக ஆட்சியில் பங்கு தமிழகம் ஏற்காது என்று வெளிப்படையாக அறிவித்ததாகவும், அதற்கு மக்கள் தங்களின் தீர்ப்பை வழங்கிவிட்டதாகவும் அவர் கூறினார். கூட்டணி கட்சிகளும் ஆட்சியில் பங்கு பெற வேண்டும் என்பதே மக்களின் நிலைப்பாடு எனவும் அவர் குறிப்பிட்டார்.
கூட்டணி கட்சிகளுக்கு அதிகாரத்தில் பங்கு வழங்கப்படும் என்ற தவெக தலைவர் விஜயின் வாக்குறுதி நிறைவேறியுள்ளதாக தாகூர் தெரிவித்தார். 59 ஆண்டுகளுக்குப் பிறகு கதர் அணிந்த இரு காங்கிரஸ் அமைச்சர்கள் அமைச்சரவையில் இடம்பிடிப்பது முக்கியமான முன்னேற்றம் என்றும் அவர் கூறினார்.
இது தன்னைப் போன்ற ஆயிரக்கணக்கான காங்கிரஸ் தொண்டர்களுக்கு உணர்ச்சிபூர்வமான, வரலாற்றுச் சிறப்புமிக்க தருணம் என அவர் தெரிவித்தார். “கமிஷன் அரசியல்” என்பதிலிருந்து விலகி, ஊழல் இல்லா ஆட்சிக்குத் தமிழகத்தை கொண்டு செல்ல வேண்டும் என்றும், புதிய அரசு புதிய நம்பிக்கையை தரும் என்றும் அவர் கூறினார்.
