பிசிசிஐ குறித்து 2018 உத்தரவை மாற்றிய மத்திய தகவல் ஆணையம்
புதுடில்லி: இந்திய கிரிக்கெட் வாரியம் (பிசிசிஐ) தகவல் அறியும் உரிமைச் சட்டம் (ஆர்டிஐ) கீழ் வராது என்று மத்திய தகவல் ஆணையம் (CIC) உத்தரவிட்டுள்ளது.
2018-ல், பிசிசிஐயை பொது நிறுவனம் எனக் கருதி, அப்போது தலைவராக இருந்த தலைவர் மற்றும் செயலாளருக்கு ஆர்டிஐ அதிகாரிகளை நியமிக்க CIC உத்தரவிட்டது. மேலும் ஆன்லைன், ஆஃப்லைன் வழிகளில் மனுக்களைப் பெற்று பதிலளிக்கும் நடைமுறைகளை உருவாக்கவும் கூறியிருந்தது.
இந்த உத்தரவை எதிர்த்து பிசிசிஐ சென்னை உயர்நீதிமன்றத்தில் மேல்முறையீடு செய்தது. வழக்கை விசாரித்த உயர்நீதிமன்றம், விவகாரத்தை மீண்டும் பரிசீலித்து புதிய உத்தரவு வழங்க CIC-க்கு அறிவுறுத்தியது.
மீளாய்வுக்குப் பிறகு, CIC தனது 2018 உத்தரவை ரத்து செய்து, பிசிசிஐ ஆர்டிஐ சட்டத்தின் கீழ் வராது என்று மீண்டும் தெரிவித்துள்ளது. அரசின் கண்காணிப்பு பிசிசிஐ செயல்பாட்டை மேம்படுத்தும் என்ற கணிப்பு பொருத்தமற்றது என்றும், அரசின் கட்டுப்பாடுகள் பிசிசிஐயின் சமநிலையான பொருளாதார கட்டமைப்பை பாதிக்கக்கூடும் என்றும் கூறியுள்ளது.
மேலும், விளையாட்டு நிர்வாகத்தில் வெளிப்படைத்தன்மைக்காக உச்சநீதிமன்றம் நியமித்த நீதிபதி லோதா குழுவின் சீர்திருத்தப் பரிந்துரைகள் ஆலோசனைத் தன்மையிலானவை மட்டுமே; அவை ஆர்டிஐ சட்டத்தின் பிரிவு 2(h) உள்ள சட்ட விதிகளை மீற முடியாது என்றும் CIC தனது உத்தரவில் குறிப்பிட்டுள்ளது.
