அதிமுக முன்னாள் அமைச்சரும், இபிஎஸ் ஆதரவு எம்எல்ஏவுமான ஓ.எஸ். மணியன், அமைச்சர் ஆதவ் அதிமுகவில் சேர முயன்று துணை பொதுச் செயலாளர் பதவியை கேட்டதாக குற்றம்சாட்டியுள்ளார்.
பேட்டியில் அவர், ஆதவின் அரசியல் பயணத்தை பின்னோக்கிப் பார்க்க வேண்டும் என்றும், அவர் பல கட்சிகளில் மாறி மாறி இருந்ததாகவும் கூறினார். விசிகவில் பயணித்த பின்னர் திமுகவில் சேர்ந்தார் என்றும், அதன் பின் அதிமுக பொதுச் செயலாளரிடம் கட்சியில் இணைவது குறித்து பேசியதாகவும் மணியன் தெரிவித்தார்.
துணை பொதுச் செயலாளர் பதவி வேண்டும் என்று ஆதவ் கேட்டதாகவும், அது மறுக்கப்பட்டதால் அவர் மீண்டும் திமுகவுக்கு சென்றதாகவும் மணியன் கூறினார். இபிஎஸ் மீது ஆதவ் கூறும் குற்றச்சாட்டுகளை அதிமுக “100 சதவீதம்” மறுப்பதாகவும் அவர் தெரிவித்தார்.
மேலும், தேர்தல் களத்தில் திமுகவை விமர்சித்து பேசியதே வெற்றிக்கு முக்கிய காரணமாக இருந்ததாக கூறிய மணியன், இதை புரியாமல் இபிஎஸ் மீது ஆதவ் குற்றம் சுமத்துவதாக விமர்சித்தார். அதிமுகவில் கருத்து வேறுபாடு உள்ள சிலர் தங்களின் ஆதாயம் அல்லது ஆட்சியை காப்பாற்றும் நோக்கில் “குதிரை பேரம்” நடத்தியதாகவும், அதை மறைக்க இபிஎஸ் மீது அவதூறான தகவல்களை ஆதவ் பரப்புவதாகவும் கூறி கண்டனம் தெரிவித்தார்.
