டில்லி மாளவியா நகர் பகுதியில் உள்ள ஒரு உணவகத்தில் ஏற்பட்ட பெரும் தீ விபத்தில் 21 பேர் உயிரிழந்ததாக அதிகாரிகள் தெரிவித்தனர். மேலும் பலர் காயமடைந்து மருத்துவமனையில் அனுமதிக்கப்பட்டுள்ளனர்.
கட்டடத்தின் அடித்தளத்தில் தீப்பற்றியதாக கூறப்படுகிறது. தகவல் கிடைத்ததும் தீயணைப்பு படையினரும் போலீசாரும் சம்பவ இடத்திற்கு விரைந்து வந்து, பல தீயணைப்பு வாகனங்களை பணியில் ஈடுபடுத்தினர்.
கட்டடத்திற்குள் மேலும் சிலர் சிக்கியிருக்கலாம் என்ற அச்சம் நிலவுவதால், மீட்பு பணிகள் முழுவீச்சில் நடைபெற்று வருகின்றன. இதுவரை 11 பேர் மீட்கப்பட்டுள்ளதாக தெரிவிக்கப்பட்டுள்ளது.
காயமடைந்த 37 பேருக்கு மருத்துவமனையில் தீவிர சிகிச்சை அளிக்கப்பட்டு வருகிறது. தீ விபத்திற்கான காரணம் இன்னும் தெரியவில்லை.
உயிரிழந்தவர்களின் உடலை அடையாளம் காணும் பணியும், சம்பவம் தொடர்பான விசாரணையும் நடைபெற்று வருவதாக டில்லி போலீசார் தெரிவித்தனர். உயிரிழந்தவர்களில் பெரும்பாலானோர் வெளிநாட்டினர் என ஆரம்ப தகவல்கள் தெரிவிக்கின்றன.
