பாஜ நிர்வாகியும் பிரபல பைக் ரேஸருமான அலிஷா அப்துல்லா அளித்த புகாரின் அடிப்படையில், திமுக எம்பி திருச்சி சிவாவின் மகன் சூர்யா சிவாவை சென்னை போலீசார் ஜூன் 4 அன்று கைது செய்தனர்.
சென்னை போலீஸ் கமிஷனர் அலுவலகத்தில் அளிக்கப்பட்ட மனுவில், சமூக வலைதளங்களில் தன்னை குறித்து ஆபாசமாகவும் அவதூறாகவும் பதிவுகள் பரப்பப்பட்டதாக அலிஷா அப்துல்லா குற்றம்சாட்டியுள்ளார்.
அந்த புகாரில் யூடியூபர் முக்தார் மற்றும் சூர்யா சிவா ஆகியோரின் பெயர்களை குறிப்பிட்டு, இவ்வகை பதிவுகள் தன் மதிப்புக்கு சேதம் விளைவித்ததாக தெரிவித்துள்ளார்.
புகாரின் பேரில் சூர்யா சிவாவை போலீசார் கைது செய்துள்ளனர். இந்த வழக்கில் தொடர்புடைய யூடியூபர் முக்தாரை பிடிக்க போலீசார் தேடுதல் நடவடிக்கையில் ஈடுபட்டுள்ளனர்.
