இந்தியாவில் ஏர் டிரங்க் நிறுவனம் சுமார் ரூ.3 லட்சம் கோடி முதலீடு செய்து, 5 ஜிகாவாட் திறன் கொண்ட தரவு மையம் ஒன்றை அமைக்க உள்ளதாக பிரதமர் நரேந்திர மோடி வியாழக்கிழமை தெரிவித்தார்.
சமூக வலைதளப் பதிவில் அவர், இந்தியாவின் டிஜிட்டல் உள்கட்டமைப்பு பயணம் குறிப்பிடத்தக்க வேகத்தில் முன்னேறி வருவதாக கூறினார். மேலும், நாட்டின் டிஜிட்டல் உள்கட்டமைப்புச் சூழலில் முன்மொழியப்பட்ட மிகப்பெரிய முதலீடுகளில் இதுவும் ஒன்றாக இருக்கும் என குறிப்பிட்டார்.
இத்தகைய முதலீடுகள் கிளவுட் கம்ப்யூட்டிங் மற்றும் செயற்கை நுண்ணறிவு (ஏஐ) துறைகளுக்கான சர்வதேச மையமாக இந்தியாவின் நிலைப்பாட்டை மேலும் வலுப்படுத்தும் என்றும் அவர் தெரிவித்தார்.
இந்த திட்டம் வேலைவாய்ப்புகளை உருவாக்குவதுடன், உள்ளூர் விநியோகச் சங்கிலியை பலப்படுத்தி, புதுமை வளர்ச்சிக்கும் ஊக்கமளிக்கும் என கூறிய மோடி, உலகின் டிஜிட்டல் பொருளாதாரத்தின் எதிர்காலம் அதிகரித்து இந்தியாவில் வடிவமைக்கப்படுகிறது என்றும் சுட்டிக்காட்டினார்.
