திமுகவில் துணை பொதுச்செயலர்கள் எண்ணிக்கையை உயர்த்த கட்சித் தலைவர் மு.க. ஸ்டாலின் முடிவு செய்துள்ளதாக தகவல் வெளியாகியுள்ளது. இதன் மூலம் தற்போதுள்ள 7 பதவிகள் 10 ஆக உயர்த்தப்பட உள்ளதாக கூறப்படுகிறது.
தற்போது துணை பொதுச்செயலர்களாக கனிமொழி, பெரியசாமி, ராஜா, சிவா, அந்தியூர் செல்வராஜ், பொன்முடி, சாமிநாதன் ஆகியோர் உள்ளனர்.
கட்சியின் சில நிர்வாகிகள் கூறியதாக வெளியான தகவலின்படி, முஸ்லிம் மற்றும் கிறிஸ்துவ மதத்தினருக்கும், தேவேந்திரகுல வேளாளர், நாடார், நாயுடு உள்ளிட்ட சமுதாயங்களுக்கும் பிரதிநிதித்துவம் வழங்கும் நோக்கில் இந்த மாற்றம் மேற்கொள்ளப்பட உள்ளது.
சட்டசபை தேர்தலில் சமூக பிரதிநிதித்துவ அடிப்படையில் வேட்பாளர்களை நிறுத்திய தமிழக வெற்றிக் கழகம் வெற்றி பெற்று ஆட்சியை கைப்பற்றியதாகவும், மதம்-ஜாதி அடிப்படையிலான ஓட்டு வங்கி குறைந்தது திமுக தோல்விக்கு காரணமாக அமைந்ததாகவும் அவர்கள் தெரிவித்ததாக கூறப்படுகிறது.
மேலும், தற்போதைய பட்டியலில் பல சமுதாயங்களுக்கு பிரதிநிதித்துவம் உள்ள நிலையில், நாடார், நாயுடு, தேவேந்திரகுல வேளாளர் உள்ளிட்ட கூடுதல் குழுக்களுக்கு இடமளிக்க 3 புதிய துணை பொதுச்செயலர் பதவிகளை சேர்த்து எண்ணிக்கையை 10 ஆக உயர்த்த முடிவு செய்யப்பட்டுள்ளதாகவும் தகவல் தெரிவிக்கிறது.
