ஆப்பரேஷன் சிந்தூர் நடவடிக்கையின் போது வீரமரணம் அடைந்த ராணுவ வீரர்களின் பட்டியலை மத்திய அரசு முதல்முறையாக வெளியிட்டுள்ளது. இவர்களின் பெயர்கள் டில்லியில் உள்ள தேசிய போர் நினைவுச் சின்னத்தில் பொறிக்கப்பட உள்ளதாக தெரிவிக்கப்பட்டுள்ளது.
காஷ்மீரின் பஹல்காமில் பாகிஸ்தானைச் சேர்ந்த பயங்கரவாதிகள் நடத்திய கொடூர தாக்குதலில் 26 அப்பாவி மக்கள் உயிரிழந்ததைத் தொடர்ந்து, பதிலடியாக இந்தியா ஆப்பரேஷன் சிந்தூரை தொடங்கியது. இதன் கீழ் பாகிஸ்தானில் உள்ள பயங்கரவாத முகாம்கள் மற்றும் விமானப்படை தளங்கள் மீது தாக்குதல் நடத்தப்பட்டதாக செய்தி கூறுகிறது.
நான்கு நாட்களுக்கு பின்னர் இந்த நடவடிக்கை நிறுத்தப்பட்டதாகவும், கடந்த ஆண்டு பல்வேறு ராணுவ நடவடிக்கைகளில் உயிர்நீத்த வீரர்களின் பெயர்களை அரசு வெளியிட்ட பட்டியலில் ஆப்பரேஷன் சிந்தூரில் வீரமரணம் அடைந்தவர்களின் பெயர்களும் இடம்பெற்றதாகவும் தெரிவிக்கப்பட்டுள்ளது.
வீரமரணம் அடைந்தவர்களாக சுபேதார் மேஜர் பவன் குமார், ரைபிள்மேன் சுனில் குமார், லான்ஸ் நாயக் தினேஷ் குமார், அக்னிவீர் முரளி நாயக், ஹவில்தார் சுனில் குமார் சிங், விமானப்படை செர்ஜியன்ட் சுரேந்திர குமார் ஆகியோர் பட்டியலிடப்பட்டுள்ளனர்.
