மாரடைப்பால் சென்னையில் காலமான இயக்குனரும் நடிகருமான பாக்யராஜ் (73) உடல், சனிக்கிழமை சென்னை பெசன்ட் நகர் மின்மயானத்தில் முழு அரசு மரியாதையுடன் தகனம் செய்யப்பட்டது.
அவரது உடல் நுங்கம்பாக்கத்தில் உள்ள இல்லத்தில் அஞ்சலிக்காக வைக்கப்பட்ட நிலையில், அவரது மறைவு திரையுலகில் பெரும் அதிர்ச்சியை ஏற்படுத்தியது. அரசியல் மற்றும் திரையுலக முக்கிய பிரமுகர்கள் நேரில் வந்து இறுதி அஞ்சலி செலுத்தினர்.
முதல்வர் விஜய், திமுக தலைவர் ஸ்டாலின் உள்ளிட்ட அரசியல் தலைவர்கள், ரஜினி, கமல், தனுஷ், சிவகார்த்திகேயன், சிவகுமார், கீர்த்தி சுரேஷ், நயன்தாரா, விக்னேஷ் சிவன், அர்ஜூன், லோகேஷ் கனகராஜ் ஆகியோர் உள்ளிட்ட பலரும் அஞ்சலி செலுத்தினர். மலையாள நடிகர்கள் மம்முட்டி, திலீப் ஆகியோரும் இறுதி மரியாதை செலுத்தினர்.
முதல்வர் அறிவித்தபடி இறுதிச்சடங்கு அரசு மரியாதையுடன் நடைபெற்றது. காலை அவரது இல்லத்தில் இருந்து உடல் வெளியே கொண்டு வரப்பட்ட போது போலீசார் மரியாதை செய்தனர். தொடர்ந்து காலை 9 மணியளவில் இறுதி ஊர்வலம் தொடங்கி வள்ளுவர் கோட்டம் சிக்னல், கோடம்பாக்கம் ஹைவே, ஆர்கே சாலை, காமராஜர் சாலை வழியாக சென்று பெசன்ட் நகர் மின்மயானத்தை அடைந்தது.
இறுதியாக குண்டுகள் முழங்க அரசு மரியாதையுடன் உடல் தகனம் செய்யப்பட்டது. முன்னதாக வீட்டிலிருந்து வாகனம் வரை பார்த்திபன், சரத்குமார் ஆகியோர் உடலை தோளில் சுமந்து கொண்டு வந்தனர்.
