அதிமுக முன்னாள் அமைச்சர்கள் சி.விஜயபாஸ்கர் மற்றும் எம்.ஆர்.விஜயபாஸ்கர், தங்கள் ஆதரவாளர்களுடன் ஜூலை 2-ஆம் தேதி தமிழக வெற்றி கழகம் (த.வெ.க.) கட்சியில் இணைய உள்ளதாக தகவல் வெளியாகியுள்ளது.
அதிமுக ஆட்சிக்காலத்தில் சுகாதாரத் துறை அமைச்சராக இருந்த சி.விஜயபாஸ்கர், விராலிமலை தொகுதியில் மீண்டும் வெற்றி பெற்றிருந்தார். அவர் சமீபத்தில் தனது எம்.எல்.ஏ பதவியை ராஜினாமா செய்ததாக கூறப்படுகிறது.
அதேபோல், அதிமுக ஆட்சியில் போக்குவரத்துத் துறை அமைச்சராக இருந்த எம்.ஆர்.விஜயபாஸ்கர், கரூர் தொகுதியில் மீண்டும் வெற்றி பெற்றிருந்தார். அவர் அதற்கு முந்தைய நாளில் எம்.எல்.ஏ பதவியை ராஜினாமா செய்ததாக தெரிவிக்கப்பட்டுள்ளது.
அதிமுக பொதுச்செயலாளர் எடப்பாடி கே. பழனிசாமி (இபிஎஸ்) மீது ஏற்பட்ட அதிருப்தியே இந்த முடிவுக்குக் காரணம் என அந்த தகவல் கூறுகிறது. இவர்களின் இணைப்பு நிகழ்ச்சி வியாழக்கிழமை மகாபலிபுரம் 4 பாயிண்ட்ஸ் ஹோட்டலில் நடைபெற உள்ளது.
இந்த நிகழ்ச்சியில் ஆனந்த், ஆதவ், செங்கோட்டையன், நிர்மல் குமார் உள்ளிட்டோர் பங்கேற்பார்கள் எனவும், மகாபலிபுரத்துக்கு ஆதரவாளர்களை 500 கார்கள் மற்றும் 200 பேருந்துகளில் அழைத்து வர ஏற்பாடுகள் செய்யப்பட்டுள்ளதாகவும் தெரிவிக்கப்பட்டுள்ளது. ஹோட்டலில் கட்சியில் இணைந்த பின்னர், இருவரும் தொடர்ந்து முதல்வர் விஜய்யை அவரது இல்லத்தில் நேரில் சந்திப்பார்கள் என்றும் கூறப்படுகிறது.
