உத்தரவுக்கு நீதிமன்ற தடை
பிறப்பால் குடியுரிமை வழங்கும் நடைமுறையில் கடும் கட்டுப்பாடுகளை விதிக்க அதிபர் டொனால்டு டிரம்ப் பிறப்பித்த உத்தரவுக்கு அமெரிக்க உச்சநீதிமன்றம் தடை விதித்துள்ளது.
உத்தரவில் என்ன கூறப்பட்டது
கடந்தாண்டு பிப்ரவரியில் வெளியான அந்த உத்தரவின்படி, சட்டவிரோதமாக அமெரிக்காவில் தங்கியிருப்போர் அல்லது தற்காலிக விசாவில் இருப்போருக்கு அமெரிக்காவில் பிறக்கும் குழந்தைகளுக்கு அமெரிக்க குடியுரிமை வழங்கப்படாது என குறிப்பிடப்பட்டது.
மாநில அளவில் வழக்குகள்
இந்த உத்தரவை எதிர்த்து பல மாநிலங்களில் வழக்குகள் தொடரப்பட்டன. அங்கு வந்த தீர்ப்புகள் டிரம்ப் உத்தரவுக்கு எதிராக இருந்ததைத் தொடர்ந்து, விவகாரம் உச்சநீதிமன்றம் வரை சென்றது.
6–3 பெரும்பான்மை தீர்ப்பு
உச்சநீதிமன்றம் 6:3 என்ற பெரும்பான்மை தீர்ப்பில், 1868ல் கொண்டுவரப்பட்ட 14வது அரசியலமைப்புச் சட்டத் திருத்தத்தின் அடிப்படையில் அமெரிக்காவில் பிறக்கும் எந்தக் குழந்தைக்கும் பெற்றோரின் குடியுரிமை நிலை எதுவாக இருந்தாலும் தானாக குடியுரிமை வழங்கப்படும் என்ற நீண்டகால சட்டக் கோட்பாட்டை அதிபர் உத்தரவால் மாற்ற முடியாது என்று தெரிவித்தது.
