சென்னை: ஊரக வளர்ச்சி மற்றும் ஊராட்சித் துறையின் மூலம் வழங்கப்படும் அரசு நலத்திட்ட உதவிகள் தகுதியான அனைத்து பயனாளிகளுக்கும் முழுமையாகச் சென்று சேர வேண்டும் என்று முதல்வர் விஜய் அதிகாரிகளுக்கு உத்தரவிட்டார்.
சென்னை தலைமைச் செயலகத்தில் முதல்வர் தலைமையில் நடைபெற்ற ஆய்வுக்கூட்டத்தில், துறையின் திட்டங்கள் மற்றும் செயல்பாடுகள் குறித்து விரிவாகப் பரிசீலிக்கப்பட்டது.
அந்தக் கூட்டத்தில் சில பயனாளிகளுக்கு திட்ட உதவிகள் சென்று சேரவில்லை என்ற குற்றச்சாட்டுகள் முன்வைக்கப்பட்டதாக தெரிவிக்கப்பட்டது. இதையடுத்து, தகுதியான அனைவருக்கும் உதவிகள் கிடைக்கிறதா என்பதை அதிகாரிகள் ஆய்வு செய்ய வேண்டும் என முதல்வர் அறிவுறுத்தினார்.
மேலும், பயனாளிகளுக்கு திட்டங்கள் சென்றடைவதை உறுதி செய்து, அவ்வப்போது ஆய்வு நடத்தி செயல்பாட்டில் ஏற்படும் குறைபாடுகளைத் தவிர்க்க வேண்டும் என்றும் அவர் கூறியதாக தகவல் வெளியிடப்பட்டுள்ளது.
