சென்னை: தனியார் பள்ளிகளில் கட்டண வசூல் தொடர்பான ஊழல் குற்றச்சாட்டுகளில் தொடர்புடைய “பெருமுதலைகளை” காப்பாற்றும் வகையில் சீமான் பேசுவது போலத் தெரிகிறது என்று அமைச்சர் ராஜ்மோகன் குற்றம்சாட்டினார்.
சென்னையில் செய்தியாளர்களிடம் பேசிய அவர், முதல்வர் விஜயின் அறிவுறுத்தலின்படி அமெரிக்கா பயணம் மேற்கொண்டு ஒரு அமைப்பின் ஆண்டு விழாவில் பங்கேற்றதாகவும், மீண்டும் உலகத் தமிழர் மாநாடு நடத்துவது குறித்து ஆலோசனைகள் மேற்கொண்டதாகவும் தெரிவித்தார்.
மேலும், அமைச்சர்கள் மற்றும் எம்எல்ஏக்கள் ஆய்வு செய்வது மரபான நடைமுறை என்பதால் அதை தவறாக எடுத்துக்கொள்ள வேண்டாம் என்றார். ஆய்வின்போது அமைச்சர் எந்த வீடியோவும் எடுக்கவில்லை என்றும் கூறினார்.
தனியார் பள்ளிகள் தொடர்பாக, காசு கொடுத்தல் போன்ற நடைமுறைகளை தடுத்து, பல்லாயிரம் கோடி அளவிலான ஊழல் தடுக்கப்பட்டுள்ளதாக அவர் கூறினார். இது தனியார் பள்ளிகளுக்கு அனுகூலமாக அல்ல; ஊழலுக்கு எதிரான நடவடிக்கையாகவே பார்க்க வேண்டும் என்றும் வலியுறுத்தினார்.
அரசுப் பள்ளிகளே தனது முன்னுரிமை என்றும் கூறிய ராஜ்மோகன், தனியார் பள்ளி கட்டண வசூல் முறைகேடுகளில் “பெருமுதலைகள்” வெளியில் வருவது பிடிக்காமல் சீமான் ஆதரவாக பேசுவது போலத் தெரிகிறது என்று தெரிவித்தார்.
