கேரள மாநிலம் வயநாடு மாவட்டத்தில் ஏற்பட்ட நிலச்சரிவால் பாதிக்கப்பட்ட மக்களுக்கு மத்திய அரசு தேவையான அனைத்து உதவிகளையும் வழங்கும் என மத்திய உள்துறை அமைச்சர் அமித் ஷா செவ்வாய்க்கிழமை உறுதியளித்தார்.
மேப்பாடி கிராம ஊராட்சிக்குட்பட்ட கள்ளாடி சுரங்கப்பாதை கட்டுமான தளத்தில் நிலச்சரிவு ஏற்பட்டதாக தெரிவிக்கப்பட்டுள்ளது. இதில் 5 பேர் உயிரிழந்தனர். மாயமானவர்களை தேடும் பணி 2வது நாளாகவும் தீவிரமாக நடைபெற்று வருகிறது.
நிலச்சரிவு பாதித்த பகுதிகளுக்கு கேரள முதல்வர் சதீசன் நேரில் சென்று ஆய்வு மேற்கொண்டார்.
இதனைத் தொடர்ந்து அமித் ஷா, முதல்வர் சதீசனுடன் தொலைபேசியில் பேசி நிலவரத்தை கேட்டறிந்தார். கேரள அரசு எடுத்துள்ள உடனடி தடுப்பு மற்றும் மீட்பு நடவடிக்கைகளை அவர் பாராட்டினார்.
மேலும், இந்த சம்பவம் தொடர்பாக உயர்தர விசாரணை நடத்த வலியுறுத்திய அமித் ஷா, கேரளாவுக்கு மத்திய அரசின் சார்பில் தேவையான அனைத்து உதவிகளும் வழங்கப்படும் என மீண்டும் உறுதி அளித்தார்.
