அமெரிக்கா மற்றும் ஈரான் இடையே சமீபத்தில் அமைதி ஒப்பந்தம் கையெழுத்தானாலும், இரு தரப்பும் தாக்குதல்களை தொடர்ந்ததாக தகவல்கள் தெரிவிக்கின்றன. இதனால் பதற்றம் மீண்டும் அதிகரித்துள்ளது.
ஈரானுடன் அமைதி பேச்சு நடத்துவதில் பயன் இல்லை எனக் கூறி, போர் நிறுத்தம் முடிவுக்கு வருவதாக அமெரிக்க அதிபர் டொனால்டு டிரம்ப் அறிவித்தார். அதே நேரத்தில், அமைதி பேச்சை தொடர்வதாகவும் அவர் தெரிவித்ததாக கூறப்படுகிறது.
கடந்த மூன்று நாட்களாக இரு தரப்பும் பரஸ்பரம் தாக்கி வருவதாக தகவல். அமெரிக்கா ஈரான் மீது ஏவுகணை தாக்குதல்களை நடத்தியதாகவும், அதற்கு பதிலடியாக மேற்காசிய நாடுகளில் உள்ள அமெரிக்க ராணுவத் தளங்களை ஈரான் குறிவைத்ததாகவும் கூறப்படுகிறது.
ஹார்முஸ் ஜலசந்தியை மூடுவது தொடர்பான அறிவிப்பு வெளியான சில நிமிடங்களிலேயே, அமெரிக்க படைகள் ஈரான் மீது தாக்குதலை தொடங்கியதாக அமெரிக்க மத்திய கட்டளையகம் தெரிவித்துள்ளது.
இந்த பின்னணியில் ஜூலை 13 அன்று கச்சா எண்ணெய் விலை உயர்ந்தது. பிரெண்ட் கச்சா எண்ணெய் 3.51% உயர்ந்து பேரல் $78.68 ஆகவும், அமெரிக்க WTI 3.47% உயர்ந்து $73.89 ஆகவும் வர்த்தகமானது. ஈரான் விவகாரத்தில் பதற்றம் நீடித்தால் எண்ணெய் விலை மேலும் உயரக்கூடும் என்ற கவலை எழுந்துள்ளது.
