சென்னை: 72வது தேசிய திரைப்பட விருதுகள் அறிவிக்கப்பட்ட நிலையில், தமிழ்த் திரையுலகின் பெருமையை உயர்த்திய அனைவருக்கும் வாழ்த்து தெரிவிப்பதாக ‘வீ தி லீடர்’ அமைப்பின் தலைவர் அண்ணாமலை கூறியுள்ளார்.
அவர் வெளியிட்ட அறிக்கையில், சிறந்த தமிழ்த் திரைப்படமாகத் தேர்வான ராயன் திரைப்படக் குழுவினருக்கும், சமூக மற்றும் தேசிய நலன் பிரிவில் சிறப்பு விருது பெற்ற கேப்டன் மில்லர் திரைப்படக் குழுவினருக்கும் பாராட்டுகளைத் தெரிவித்தார்.
மேலும், சிறப்பு விருது பெற்ற தனுஷ், அமரன் திரைப்படத்துக்காக தமிழ் மொழியில் சிறந்த இயக்குநர் விருது பெற்ற ராஜ்குமார், சிறந்த பின்னணி இசையமைப்பாளர் விருது பெற்ற ஜி.வி. பிரகாஷ்குமார், சிறந்த படத்தொகுப்பு விருது பெற்ற கலைவாணன் ஆகியோருக்கும் அவர் வாழ்த்து கூறினார்.
மகாராஜா திரைப்படத்துக்காக சிறந்த சண்டை பயிற்சியாளர் விருது பெற்ற அனல் அரசு, சிறந்த துணை நடிகை விருது பெற்ற சச்சனா நமிதாஸ், மெய்யழகன் திரைப்படத்துக்காக சிறந்த ஒலிக்கலவை விருது பெற்ற சுரேன்ஜி உள்ளிட்டோருக்கும் பாராட்டுகளைத் தெரிவித்தார். மேலும், ப்ளு படத்துக்காக சிறந்த ஒலி வடிவமைப்பு தேசிய விருது பெற்ற டி.எஸ். ஹரிஹர சுதனுக்கும் மனமார்ந்த வாழ்த்துகளை தெரிவித்தார்.
தமிழ்த் திரையுலகுக்கு பெருமை சேர்த்த அனைவருக்கும் இதயம் கனிந்த நல்வாழ்த்துகள் என அண்ணாமலை கூறியுள்ளார்.
