மேற்காசியாவில் மீண்டும் பதற்றம் அதிகரித்துள்ள சூழலில், புதுடில்லி–டெல் அவிவ் இடையேயான விமான சேவையை ஏர் இந்தியா தற்காலிகமாக நிறுத்தி வைத்துள்ளதாக அறிவித்துள்ளது. பாதுகாப்பு காரணங்களே இதற்குக் காரணம் என நிறுவனம் தெரிவித்துள்ளது.
ஈரான் மீது அமெரிக்கா நடத்திய தாக்குதலுக்குப் பிறகு நாட்கள் செல்லச் செல்ல நிலைமை மேலும் தீவிரமடைந்ததாக கூறப்படுகிறது. மேலும், ஈரானுடன் பேச்சுவார்த்தைக்கு அமெரிக்கா மறுத்ததால் பிராந்திய நாடுகளில் இருந்த பதற்றம் அதிகரித்துள்ளதாக தகவல் வெளியாகியுள்ளது.
இந்த பின்னணியில், டில்லி–டெல் அவிவ் விமான சேவைகள் செப்டம்பர் மாதம் வரை இடைநிறுத்தப்படுவதாக ஏர் இந்தியா தெரிவித்துள்ளது. பயணிகளின் பாதுகாப்பை முன்னிட்டு இந்த முடிவு எடுக்கப்பட்டதாகவும் கூறப்பட்டுள்ளது.
இந்த அறிவிப்பால் வேலை, விடுமுறை மற்றும் தனிப்பட்ட தேவைகளுக்காக இஸ்ரேல் செல்ல திட்டமிட்டிருந்தவர்களுக்கு சிக்கல்கள் உருவாகலாம். மேலும், இஸ்ரேலில் வசிக்கும் சுமார் 40,000 இந்தியர்கள் கவலை அடைந்துள்ளதாகவும் செய்தியில் குறிப்பிடப்பட்டுள்ளது.
