பாகிஸ்தானுடன் இனி எந்தப் பேச்சுவார்த்தையும் நடத்தப்படாது என்று பாதுகாப்புத்துறை அமைச்சர் ராஜ்நாத் சிங் தெரிவித்தார். எதிர்காலத்தில் ஏதேனும் பேச்சுவார்த்தை நடந்தால், அது பாகிஸ்தான் ஆக்கிரமிப்பு காஷ்மீர் (PoK) குறித்து மட்டுமே இருக்கும் என்றும் அவர் கூறினார்.
27வது கார்கில் வெற்றி தினத்தை முன்னிட்டு லடாக்கில் ராணுவ வீரர்கள் மத்தியில் உரையாற்றிய அவர், பயங்கரவாதத்தை உருவாக்குவது பாகிஸ்தான் அரசின் கொள்கையாகவே உள்ளது என்று குற்றம்சாட்டினார். மற்ற நாட்டுக்குள் ஊடுருவல் மற்றும் பயங்கரவாதம் போன்ற செயல்களில் பாகிஸ்தான் ஈடுபடுகிறது என்றும் அவர் கூறினார்.
மேலும், பாகிஸ்தானின் ராணுவத்துக்கும் பயங்கரவாதிகளுக்கும் வேறுபாடு இல்லை எனக் கூறிய ராஜ்நாத் சிங், பாகிஸ்தான் ராணுவம் பயங்கரவாத அமைப்புகளைப் பாதுகாப்பதோடு அவர்களுடன் நெருக்கமாகச் செயல்படுகிறது என்றும் தெரிவித்தார்.
“ஆப்பரேஷன் சிந்தூர்” காலத்தில், பயங்கரவாதிகளையும் பாகிஸ்தான் அரசையும் இந்தியா இனி தனித்தனியாகப் பார்க்காது என்பதைத் தெளிவுபடுத்தியதாக அவர் கூறினார். இந்தியா புதிய கண்டுபிடிப்புகள், தொழில்நுட்பம் மற்றும் வளர்ச்சியில் கவனம் செலுத்துகிறது என்றும் அவர் குறிப்பிட்டார்.
