ஜிம்பாப்வேக்கு எதிரான 3வது மற்றும் கடைசி டி20 போட்டியில் இந்திய அணி 35 ரன்கள் வித்தியாசத்தில் வென்று, மூன்று போட்டிகள் கொண்ட தொடரை 3-0 என்ற கணக்கில் ‘ஒயிட் வாஷ்’ செய்து முடித்தது. போட்டி ஹராரேவில் நடைபெற்றது.
டாஸ் வென்ற இந்தியா பேட்டிங்கைத் தேர்வு செய்தது. சூர்யவன்ஷி–அபிஷேக் ஷர்மா தொடக்கமாக களமிறங்கினர். அபிஷேக் 2 ரன்களில் வெளியேறிய பிறகு, சூர்யவன்ஷி இஷான் கிஷானுடன் இணைந்து வேகமாக ரன் சேர்த்தார். இஷான் 29 ரன்களில் ஆட்டமிழந்தாலும், சூர்யவன்ஷி 31 பந்துகளில் அரைசதம் அடித்து முன்னிலை கொடுத்தார்.
49 பந்துகளில் 81 ரன்கள் எடுத்த நிலையில் சூர்யவன்ஷி ஆட்டமிழந்தார். பின்னர் ஸ்ரேயாஷ் ஐயர் 27 ரன்களும், ரிங்கு சிங் 25 ரன்களும் சேர்த்து இந்தியாவை 20 ஓவரில் 5 விக்கெட்டுக்கு 192 ரன்கள் வரை உயர்த்தினர். ஜிம்பாப்வே தரப்பில் எவான்ஸ் 2 விக்கெட்டுகள் எடுத்தார்; ராசா, முஷர்பானி, மாதவரே தலா ஒரு விக்கெட் வீழ்த்தினர்.
193 ரன்கள் இலக்குடன் துரத்தத் தொடங்கிய ஜிம்பாப்வேக்கு முதல் பந்திலேயே அதிர்ச்சி ஏற்பட்டது; மயாங்க் யாதவ் பென்னட்டை வெளியேற்றினார். தொடர்ந்து யாஷ் தாகூர் மையர்ஸ் (20), சிக்கந்தர் ராசா (0) ஆகியோரின் விக்கெட்டுகளை கைப்பற்ற, ரவி பிஷ்னோ பென் கரன் (20) விக்கெட்டையும் வீழ்த்தினார். இதனால் அந்த அணி 65 ரன்களுக்கு 4 விக்கெட்டுகளை இழந்தது.
பின்னர் ரியான்–மாதவரே ஜோடி 60 ரன்கள் சேர்த்து ஓரளவு தாக்குபிடித்தது. ஆனால் ஜிம்பாப்வே 7 விக்கெட்டுக்கு 157 ரன்களிலேயே முடங்கியது. ரியான் ஆட்டமிழக்காமல் 54 ரன்கள் (அரைசதம்) எடுத்தார். இதன் மூலம் இந்தியா வெற்றி பெற்றதுடன், கேப்டனாக பொறுப்பேற்ற பிறகு ஸ்ரேயாஷ் ஐயர் கைப்பற்றிய முதல் தொடராகவும் இது அமைந்தது.
