பாகிஸ்தான் ஆக்கிரமித்துள்ள காஷ்மீரில் (PoJK) 52 நாட்களாக நீடிக்கும் போராட்டம் ஜூலை 27 அன்று மேலும் தீவிரமடைந்த நிலையில், ராவலகோட்டில் இருந்து முஸாபராபாத் நகரை நோக்கி ஆயிரக்கணக்கானோர் பேரணியாக புறப்பட்டதாக தகவல்கள் தெரிவிக்கின்றன.
கடந்த மாதம் முதல் நடைபெறும் இந்த போராட்டங்களுக்கு, சட்டசபையில் அகதிகளுக்கான இடஒதுக்கீடு மற்றும் விலைவாசி உயர்வு உள்ளிட்ட காரணங்கள் பின்னணியாக உள்ளன. இந்த போராட்டங்களின் போது பலர் உயிரிழந்ததாகவும் செய்தி கூறுகிறது.
இந்நிலையில், ஜூலை 27 அன்று அப்பகுதியில் தேர்தல் நடைபெற்றதாகவும், பல இடங்களில் வன்முறை மற்றும் முறைகேடுகள் நடந்ததாகவும் தெரிவிக்கப்பட்டுள்ளது.
பாகிஸ்தானுக்கு எதிரான போராட்டத்தை முன்னெடுத்து வரும் அவாமி அதிரடி கூட்டுக்குழு (ஜேஏஏசி) போராட்டக்காரர்கள் மீது பதிவு செய்யப்பட்ட வழக்குகளை ரத்து செய்ய வேண்டும் உள்ளிட்ட நிபந்தனைகளை முன்வைத்திருந்தது. மதியம் வரை தீர்வு கிடைக்காததால் அதிகாரிகளுடன் நடந்த பேச்சுவார்த்தை தோல்வியடைந்ததாக கூறப்படுகிறது.
இதையடுத்து பேரணி தொடங்கியபோது, பாதுகாப்புப் படையினர் அதைத் தடுக்க முயன்றதால் அப்பகுதியில் பரபரப்பு ஏற்பட்டதாக தகவல்கள் தெரிவிக்கின்றன.
