சர்ச்சைக்குரியதும் பிரபலமுமான எழுத்தாளர் தஸ்லிமா நஸ்ரின், 19 ஆண்டுகளுக்குப் பின் வியாழக்கிழமை கோல்கட்டா வந்தடைந்தார். கோல்கட்டா விமான நிலையத்தில் திரண்டிருந்த ஆதரவாளர்கள் அவரை உற்சாகமாக வரவேற்றனர்.
நிருபர்களிடம் பேசிய அவர், பல ஆண்டுகளுக்குப் பின் கோல்கட்டாவுக்கு திரும்பிய மகிழ்ச்சியை வார்த்தைகளால் விவரிக்க முடியாது என்றும், வரவேற்ற அனைவருக்கும் நன்றி தெரிவித்தார்.
ஆகஸ்ட் 1-ஆம் தேதி ரவீந்திர சதனில் நடைபெறும் சிறப்பு கலாசார-இலக்கிய நிகழ்வில் அவர் பங்கேற்க உள்ளார். ஆகஸ்ட் 2-ஆம் தேதி கோல்கட்டாவில் நிருபர்களையும் சந்திக்க இருப்பதாக தெரிவிக்கப்பட்டுள்ளது.
பெண் உரிமை மற்றும் மதம் தொடர்பான கருத்துகளை எழுதியதன் பின்னணியில் தஸ்லிமா நஸ்ரின் கடும் அச்சுறுத்தல்களை எதிர்கொண்டதாக கூறப்படுகிறது. இதன் காரணமாக 1994-ஆம் ஆண்டு அவர் நாடு கடத்தப்பட்டார்; பின்னர் ஸ்வீடன் குடியுரிமை பெற்று, ஐரோப்பா மற்றும் வட அமெரிக்காவில் சுமார் 10 ஆண்டுகள் வாழ்ந்தார்.
2004-ஆம் ஆண்டு மத்திய அரசு வசிப்பிட அனுமதி அளித்த பின்னர் அவர் கோல்கட்டாவில் தங்கத் தொடங்கினார். 2007-ஆம் ஆண்டு அவரது எழுத்துகளுக்கு எதிராக நடந்த போராட்டங்கள் கலவரமாக மாறிய நிலையில், 2008-ஆம் ஆண்டு அவர் இந்தியாவை விட்டு ஸ்வீடன் சென்றார். பின்னர் நீண்டகால விசாவில் இந்தியா திரும்பியபோதும், மேற்கு வங்க அரசு அனுமதிக்காததால் டெல்லியிலேயே தங்கியிருந்தார்; தற்போது நீண்ட இடைவெளிக்குப் பின் கோல்கட்டா திரும்பியுள்ளார்.
