ஸ்காட்லாந்தின் கிளாஸ்கோவில் நடைபெற்ற 23வது காமன்வெல்த் விளையாட்டில் இந்தியா மொத்தம் 39 பதக்கங்களை (13 தங்கம், 17 வெள்ளி, 9 வெண்கலம்) கைப்பற்றியது. 122 பேர் கொண்ட இந்திய அணியின் பதக்க வெற்றி விகிதம் 31% ஆக பதிவானது; இது 2022 போட்டியை விட மேம்பட்டதாக கூறப்படுகிறது.
இந்த முறையில் இந்தியாவின் முக்கிய பலமாக குத்துச்சண்டை திகழ்ந்தது. ஜாஸ்மின், சாக்சி, பிரீத்தி, சச்சின் உள்ளிட்ட 7 பேர் தங்கம் வென்றனர். லவ்லினா உள்ளிட்ட 3 பேர் வெள்ளி பெற்றனர். இதன் மூலம் குத்துச்சண்டையில் மொத்தம் 10 பதக்கங்கள் இந்தியாவுக்கு கிடைத்தன.
பளுதூக்குதலிலும் இந்தியா கணிசமான பதக்கங்களை சேர்த்தது. 1 தங்கம், 6 வெள்ளி, 1 வெண்கலம் என மொத்தம் 8 பதக்கங்கள் கிடைத்தன. மீராபாய் சானு தொடர்ந்து தங்கம் வென்று ‘ஹாட்ரிக்’ சாதனையை பதிவு செய்தார்.
மாற்றுத் திறனாளிகள் (பாரா) பிரிவில் இந்தியாவின் செயல்பாடும் கவனம் பெற்றது. 11 பாரா நட்சத்திரங்களில் 6 பேர் பதக்கம் வென்றனர். மொத்தமாக 3 தங்கம், 2 வெள்ளி, 2 வெண்கலம் என 7 பதக்கங்கள் கிடைத்ததாக தெரிவிக்கப்பட்டுள்ளது; இது 2002 முதல் 2022 வரை நடந்த ஆறு சீசன்களில் இந்தியா பெற்ற மொத்த பாரா பதக்க எண்ணிக்கையுடன் சமமாகும்.
ஜூடோவில் அச்மிதா தங்கம் வென்று, காமன்வெல்த் வரலாற்றில் ஜூடோவில் தங்கம் வென்ற முதல் இந்தியர் என்ற சாதனையை உருவாக்கினார். ஜூடோவில் இந்தியா 2 தங்கம், 1 வெள்ளி, 1 வெண்கலம் என 4 பதக்கங்கள் பெற்றது. பாரா ‘பவர் லிப்டிங்’ பிரிவில் ஜண்டு குமார் வெண்கலம் வென்று ஆறுதல் அளித்தார்.
