தமிழக பட்ஜெட் 2026 குறித்து அரசியல் கட்சித் தலைவர்கள் கருத்துகள் கடுமையாகப் பிளவுபட்டன. முக்கிய வாக்குறுதிகள் இடம்பெறவில்லை என்றும், மாநில நிதிநிலையைச் சரிசெய்யும் தெளிவான வழிமுறை இல்லை என்றும் எதிர்க்கட்சித் தரப்பில் விமர்சனங்கள் முன்வைக்கப்பட்டன.
அதிமுக பொதுச்செயலாளர் எடப்பாடி கே. பழனிசாமி, அரசின் வாக்குறுதிகள் பட்ஜெட்டில் பிரதிபலிக்கவில்லை எனக் கூறினார். முழுப் பயிர்க்கடன் தள்ளுபடி அறிவிப்பு எங்கே என்ற கேள்வியையும் எழுப்பிய அவர், ரூ.1.21 லட்சம் கோடி நிதிப் பற்றாக்குறையை எவ்வாறு சரி செய்யப் போகிறார்கள் என்பதை பட்ஜெட் விளக்கவில்லை என்றும் விமர்சித்தார்.
தேமுதிக பொதுச்செயலாளர் பிரேமலதா, முழுமையான வேளாண் கடன் தள்ளுபடி அறிவிப்பு இல்லாதது ஏமாற்றமளிப்பதாக தெரிவித்தார். தமிழகத்தின் கடன் ரூ.10 லட்சம் கோடியைத் தாண்டியுள்ளதாகவும், வட்டி சுமை உயர்ந்து வருவதாகவும் கூறிய அவர், நீர் பாதுகாப்பு மற்றும் இளைஞர் வேலைவாய்ப்பு தொடர்பான அறிவிப்புகள் இல்லை என குற்றம்சாட்டினார். அதே நேரத்தில் சோலார் மற்றும் மின் பேருந்து தொடர்பான அறிவிப்புகள் வரவேற்கத்தக்கவை என்றும் குறிப்பிட்டார்.
திமுக தலைவர் மு.க. ஸ்டாலின், பட்ஜெட்டை முன்பிருந்த திட்டங்களின் “ரீமேக்” என விமர்சித்து, மாநிலத்திற்குத் தேவையான புதிய தொலைநோக்குத் திட்டங்கள் இல்லை என்றார். மேலும் ரூ.2,500 மகளிர் உரிமைத் தொகை, வேலைவாய்ப்பில்லா இளைஞர்களுக்கு ரூ.4,000, ஆண்டுக்கு 6 இலவச சிலிண்டர், முழுப் பயிர்க்கடன் தள்ளுபடி போன்ற முக்கிய வாக்குறுதிகள் குறித்து பட்ஜெட்டில் பேசப்படவில்லை என்றும் கூறினார்.
