சென்னை சட்டசபை அலுவல் ஆய்வு கூட்டத்திற்குப் பிறகு, சட்டசபை பட்ஜெட் கூட்டத்தொடர் செப்டம்பர் 8 வரை தொடரும் என்று சபாநாயகர் ஜேசிடி பிரபாகர் தெரிவித்தார்.
நாளை வேளாண் பட்ஜெட் தாக்கல் செய்யப்படும் என்றும், ஆகஸ்ட் 7 அன்று மறைந்த பிரபலங்களுக்கு இரங்கல் தீர்மானங்கள் நிறைவேற்றப்படும் என்றும் அவர் கூறினார்.
பட்ஜெட் மீது ஆகஸ்ட் 7, 10, 11 ஆகிய தேதிகளில் விவாதம் நடைபெறும். ஆகஸ்ட் 12 அன்று பட்ஜெட் மீதான பதிலுரை நடைபெறும். சுதந்திர தின ஏற்பாடுகள் காரணமாக ஆகஸ்ட் 13, 14, 15 ஆகிய நாட்களில் கூட்டத்தொடர் இல்லை எனவும் தெரிவிக்கப்பட்டது.
செப்டம்பர் 7 அன்று காவல், தீயணைப்பு மற்றும் மீட்புப் பணிகள் தொடர்பான பதிலுரையில் முதல்வர் விஜய் பேச உள்ளார். சட்டசபை கூட்டம் காலை 9.30 மணிக்கு தொடங்கி, தேவையெனில் மாலை 6 மணி வரை நடைபெறும் என சபாநாயகர் கூறினார்.
மேலும், இந்த பட்ஜெட் கூட்டத்தொடர் முழுவதும் நேரலை ஒளிபரப்பப்படும்; உலகம் முழுவதும் உள்ள மக்கள் பார்க்கும் வகையில் ஏற்பாடுகள் செய்யப்பட்டுள்ளன என்றும் அவர் தெரிவித்தார்.
