திருப்பூர் தொழில்துறையின் எதிர்பார்ப்பை உயர்த்திய பட்ஜெட்
2026-27 நிதியாண்டுக்கான தமிழக பொது பட்ஜெட்டை நிதியமைச்சர் மரியவில்சன் தாக்கல் செய்தார். இதையடுத்து திருப்பூர் பின்னலாடைத் துறையினர், குறிப்பாக நீண்டநாள் கோரிக்கைகள் பட்ஜெட்டில் பிரதிபலித்துள்ளதாகக் கூறி வரவேற்றனர்.
ரூ.10 கோடியில் ‘திருப்பூர் ஜவுளி தொழில்நுட்ப மையம்’
தென்னிந்திய பனியன் உற்பத்தியாளர்கள் சங்கம் (சைமா) தெரிவிப்பின்படி, மாவட்ட தொழில் மையத்தின் வேண்டுகோளின் அடிப்படையில் விரிவான திட்ட அறிக்கை தயாரித்து வழங்கப்பட்டது. அதன் தொடர்ச்சியாக ‘திருப்பூர் ஜவுளி தொழில்நுட்ப மையம்’ அமைக்க ரூ.10 கோடி சிறப்பு நிதி ஒதுக்கப்பட்டுள்ளது.
செயற்கையிழை, பசுமை உற்பத்தி, ஆராய்ச்சி நடவடிக்கைகளுக்கு ஊக்கம்
மையம் செயல்பாட்டுக்கு வந்தால் செயற்கையிழை சார்ந்த உற்பத்தி, தொழில்நுட்ப ஜவுளி, புதிய தயாரிப்புகள் மற்றும் ஆராய்ச்சி சார்ந்த முயற்சிகள் முன்னேறும் என தொழில்துறையினர் நம்பிக்கை தெரிவித்தனர். சுற்றுச்சூழலுக்கு உகந்த தொழில்நுட்பங்கள் மற்றும் பசுமை ஆடை உற்பத்திக்கும் இது ஆதரவாக இருக்கும் எனவும் கூறினர்.
ஜவுளி மற்றும் எம்.எஸ்.எம்.இ. துறைகளுக்கு கூடுதல் ஆதரவு
கைத்தறி, ஜவுளி மற்றும் கதர் துறைக்கு ரூ.1,678 கோடி, குறு-சிறு-நடுத்தரத் தொழில்களுக்கு ரூ.2,142 கோடி ஒதுக்கீடு தொழில்நுட்ப மேம்பாடு, விரிவாக்கம், வேலைவாய்ப்பு மற்றும் உற்பத்தித் திறன் உயர்வுக்கு உதவும் என சங்கங்கள் தெரிவித்தன. தமிழ்நாடு இன்ஸ்டிடியூட் ஆப் டிசைனுக்கு ரூ.60 கோடி ஒதுக்கீட்டையும் வரவேற்ற அவர்கள், பிரின்டிங் துறையில் தொடர்ச்சியான தொழில்நுட்ப மேம்பாட்டுக்காக புதிய இயந்திரங்கள் வாங்க மானியம் வழங்கினால் மேலும் பயன் கிடைக்கும் எனவும் வலியுறுத்தினர்.
