ஜார்க்கண்டில் நடைபெற்று வரும் மாணவர்கள் மற்றும் இளைஞர்கள் போராட்டம் குறித்து காங்கிரஸ் எம்பி ராகுல் காந்தி கருத்து தெரிவித்தார். மாணவர்களின் குரலுக்கு அரசுகள் செவி சாய்க்க வேண்டும் என்று அவர் வலியுறுத்தினார்.
ஜார்க்கண்ட் முக்தி மோர்ச்சா–காங்கிரஸ் ஆட்சி நடைபெறும் மாநிலத்தில், அரசு பணியாளர் தேர்வாணையம் உள்ளிட்ட பணி நியமனத் தேர்வுகளில் முறைகேடு நடந்ததாக குற்றம்சாட்டி ஜூலை 25 முதல் ராஞ்சியில் உள்ள ஜெய்பால் சிங் முண்டா அரங்கத்தில் போராட்டம் தொடர்கிறது.
டில்லியில் நடந்த மாணவர் போராட்டங்கள் தொடர்பாக மத்திய அரசை ராகுல் விமர்சித்து வந்த நிலையில், கூட்டணி கட்சி ஆளும் ஜார்க்கண்டில் நடைபெறும் போராட்டம் குறித்து அவர் பேசாமல் இருந்ததாக பாஜக விமர்சனம் முன்வைத்திருந்தது.
இந்நிலையில், பல மாநிலங்களைச் சேர்ந்த மாணவர்களுடன் இன்ஸ்டாகிராம் வழியாக நடந்த கலந்துரையாடலில் ஜார்க்கண்ட் போராட்டம் குறித்து கேள்வி எழுந்தது. அதற்கு பதிலளித்த ராகுல், நாட்டின் கல்வி அமைப்பு சீர்குலைந்துள்ளதாகவும், அது கட்டுப்படியாகாததும் அடக்குமுறையானதுமாக மாறியுள்ளதாகவும் கூறினார்.
மேலும், மத்திய அரசு ஆகட்டும் அல்லது ஜார்க்கண்ட் உள்ளிட்ட மாநில அரசுகள் ஆகட்டும்—மாணவர்களின் குரலைக் கேட்டு கல்வி அமைப்பில் மாற்றங்களை கொண்டு வர நடவடிக்கை எடுக்க வேண்டும் என்று அவர் தெரிவித்தார்.
