எம்.எல்.ஏ.க்கள் தொடர்பான ‘குதிரை பேரம்’ குற்றச்சாட்டில் நடவடிக்கை எடுக்குமாறு மத்திய உள்துறை அமைச்சர் அமித் ஷாவிடம் அ.தி.மு.க. பொதுச்செயலர் எடப்பாடி கே. பழனிசாமி வலியுறுத்தியுள்ளதாக கட்சி நிர்வாகிகள் தெரிவித்தனர்.
சட்டசபை தேர்தலுக்குப் பிறகு அ.தி.மு.க.வைச் சேர்ந்த ஆறு எம்.எல்.ஏ.க்கள் தங்கள் பதவியை ராஜினாமா செய்து, பின்னர் த.வெ.க.வில் இணைந்தனர். அந்த ஆறு தொகுதிகளிலும் வெற்றி பெற்று தனிப் பெரும்பான்மையை பெற முதல்வர் விஜய் திட்டமிட்டுள்ளதாக கட்சி தரப்பு கூறியது.
கடந்த வாரம் அமித் ஷா சென்னை வந்தபோது, விமான நிலையத்தில் பழனிசாமி அவரை சந்தித்து ஒரு கடிதத்தை வழங்கினார். அதில் த.வெ.க. தரப்பு எம்.எல்.ஏ.க்களை இழுக்கும் முயற்சியில் ஈடுபட்டதாக கூறப்படும் விவகாரங்களை விரிவாக குறிப்பிட்டுள்ளதாக தெரிவிக்கப்பட்டது.
மேலும், அ.ம.மு.க. எம்.எல்.ஏ. காமராஜ் தன்னிடம் பேரம் நடந்ததாக அளித்த புகாரை மத்திய விசாரணை அமைப்புகள் விசாரிக்க வேண்டும் என்றும் அந்த கடிதத்தில் கோரியுள்ளதாக கூறப்படுகிறது. அதோடு, முன்னாள் அமைச்சர் வேலுமணிக்கு டில்லி மேலிடத்தில் சிலர் ஆதரவு அளிப்பதால் அ.தி.மு.க.வில் உட்கட்சி பிரச்னைகள் தீவிரமாகின்றன என்றும் அமித் ஷாவிடம் பழனிசாமி புகார் தெரிவித்ததாக நிர்வாகிகள் கூறினர்.
