ராஜபாளையத்தில் விபத்தில் உயிரிழந்த தினமலர் வாசகரின் குடும்பத்திற்கு, நாளிதழின் ஆண்டு சந்தா திட்டத்தின் கீழ் ரூ.5 லட்சம் விபத்து காப்பீட்டு தொகை வழங்கப்பட்டுள்ளது.
விருதுநகர் மாவட்டம் ராஜபாளையம் விஷ்ணு நகரைச் சேர்ந்த பழனியப்பன் (69) ஓய்வு பெற்ற தமிழ் ஆசிரியர். பல ஆண்டுகளாக தினமலர் வாசகராக இருந்த அவர், கடந்த டிசம்பர் 1-ஆம் தேதி ரூ.2,499 செலுத்தி ஆண்டு சந்தா எடுத்ததுடன், ரூ.11 லட்சம் மதிப்புள்ள காப்பீட்டு திட்டத்திலும் இணைந்திருந்தார்.
மே 28 இரவு ராஜபாளையம் டி.பி. மில்ஸ் ரோட்டில் இருந்து மனைவியுடன் டூ-வீலரில் சென்றபோது மினி வேன் மோதியதில் அவர் பலத்த காயமடைந்தார். மதுரையில் உள்ள தனியார் மருத்துவமனையில் அனுமதிக்கப்பட்ட நிலையில் அவர் உயிரிழந்ததாக தெரிவிக்கப்பட்டது.
இதையடுத்து அவரது மகன் பாண்டி செல்வன், ராஜபாளையம் யுனைடெட் இந்தியா இன்சூரன்ஸ் நிறுவன அதிகாரிகளை தொடர்பு கொண்டார். ஆவணங்களை சரிபார்த்த பின்னர் காப்பீட்டு தொகையாக ரூ.5 லட்சம் குடும்பத்திற்கு வழங்கப்பட்டதாக கூறப்படுகிறது.
இறந்த பழனியப்பனுக்கு மனைவி, மகள், மகன் உள்ளனர். தினமலர் ஆண்டு சந்தா மூலம் காப்பீட்டு தொகை கிடைத்ததற்கு அவரது மகன் நன்றி தெரிவித்தார்.
